آشــين الحُــب

البـارت العاشر

" آشين الحُب "
فاطمة أحمد

طلع مستعجل واني ركضت ورا :- شكو شصاير مسلم شكو

ـ ماكو شي ماكو .. صديقي مسوي حادث ..

لبس بـ استعجال وطلع .. تمددت وحدي وطفيت الضوة ونمت ..
كعدت ثاني يوم باوعت لـ مكانة راجع  ونايم بس يون ..

تقربت يمة وهمست  بـ هدوء :- مُسلم حبيبي

ـ اممم

ـ بيك شي ؟

ـ لا بس شوي تعبان ..

ـ تمام ..

عفتة وكمت غسلت ونزلت .. لكيت عمتي كاعدة بـ الصالة تتريك هي وعمي صبحت عليهم ورحت للمطبخ سويت صينية ريوك وصعدتها ..

فتحت الباب بـ رجلي وخليتها بـ الكاع وتقربت يمة :- مسلم ، حبيبي تعال كوم خلي ناكل .. حتى تصحصح

ـ اممم

ـ يلا يَ عيوني .. والله مااعرف اكل وحدي ..

كعد وهو يفرك بـ عيونة بقى ثواني صافن وراها كام غسل واجة كعد كدامي قسم الخبزة وبلش ياكل ساكت ..

ـ شبي صاحبك البارحة !

رفع راسه صفن بـ عيوني وراها شمر حسرة وبدا يسولف :- مكلوبة بي الدراجة ومحتركة رجلة من جوا .. ومحد ويااا

ـ اوووف خطيةةة الله يساعده ..

هز راسة بـ قهر .. كملنا ريوك ونزلت غسلت المواعين والتفتت لـ عمتي وجدان :- عمة كوليلي تردين اساعدج بـ شي اني مااعرف شنو اسوي

ـ لا يمة بس اغسلي المواعين واصعدي شوفي رجلج وضعة مو زين

ـ اي عمة شفتي خطية صديقة مسوي حادث ..

ـ اي كالي ..

هزت راسها واني كملت المواعين ومسحت المطبخ وصعدت شفتة مبدل وسابح :- ها حبيبي راح تطلع ..

ـ ابوس لسانج الي يكول حبييي

ابتسمت وتقربت يمة اعدل ياخة القميص :- ديربالك على نفسك

ـ أنتِ انتبهي على نفسج ولا تتعبين بـ البيت ترا مابي شي

هزيت راسي وهو باس راسي وطلع ..

شهـد :-
بعدما تعودنا على غياب ابرار وبدينا نتعايش وي الوضع ..
صارت تمشي الايام بـ هدوء و كلشي بيها روتيتي ..
دخلنا سنة ٢٠١٧ بـ هالاحداث..

علاقتي وي سلام متوترة كل فترة نتصالح ونتزاعل على ابسط الامور .. يغار ومايقبل احجي وي اي واحد من الشباب الي بـ الكروب بس هو ليل ونهار يسولف وي البنات .. واني اسويها شغلة عناد ..

اتفقوا ماما وبابا يروحون للسبعة مالت ابرار عاد اني هنا لزگت مااعوفهم الا اروح .. كوه قبلوا
طلعنا للطريق ثاني يـوم وصلنا للكوت تعبانين .. بس جو شتاء وزين ..