آشــين الحُــب

البـارت الرابع عشر

" آشين الحُب "
فاطمة أحمد

فتحت الفايبر بعدما صار أكثر من ٦ أشهر من اخر مرة راسلت سلام والبنات ..

من رجعت ماما ورا فترة يالله رجعت النت ..
نَزلت الفايبر وفتحتة جنت حاذفة كل الأرقام من اخر مرة ..
بس الكروبات باقية ..

دخلت على كروب سجاد بقيت ادور على رابط الصراحة حتى اكدر اتواصل ويا ..
بقيت ادور مالكيت رابط جديد .. بس رابط مال كروب ثاني ..
دخلت علية اسمة سمسمة .. بي ٤ بنات و ولد ..
جذبني اسم الولد جان اسمة " المهيوب "

بقيت صافنة حسيت شعور غريب .. حسيت هَـالشخص اله علاقة بـ سلام ..

بقيت اكلب بالمحادثات .. الولد يسولف ويضحك وي البنات وميانةةةة ..
بـ هَـالاثناء اجاني مسج .. جان من بنية اسمها ام خدود هههه ..
كالت : أنتِ شهد ؟
جاوبتها : اي !

كالت : اني من زمان حافظة رقمج بس ممراسلتج ..

صفنت هاي منو !!
جاوبتها : اي تفضلي حبيبتي ..

بدت تسلم وشلونج وشخبارج  .. وراها عرفتني هن نفسها
: اني ثريا عمري ١٧ من بغداد .. وجنت وياكم بـ كروب الدردشة وجنت حتى من قبلج موجودة فَ اعتقد ماتعرفيني .. بس اني اعرفج حبيبة سلام ..
بس خازنة رقمج يمي من كلتي راح اروح .. وهسة طلعلي من انضميتي لـ الفايبر ..
بس تفاجأت مسمية نفسج ام ليان!

ـ اي سلام يحب هَـالاسم وجنة مقررين يكون اسم ابنة المستقبلي !

ـ اها عبالي غير شي .. المهم اي اني اعرفج حتى بـ وقتها سألتج منو أنتِ وكلتي حبيبة سلام وصارت مشكلة بـ وقتها ..

صفنت واسترجعت ذاكرتي للموقف ..

جنت كاعدة اراسل بـ الكروب عادي ونسولف واكو بنات جدد انضموا فَ كعدنا نتعرف ونزلت رابط الصراحة .. ويسألني مرتبطة واجاوبهن اي

واجت وحدة كالت أنتِ شنو تصيرين من سجاد .. لان بـ وقتها جان الكروب مالت سجاد .. فَ جاوبتها اني حبيبة سلام ابن عمه

فجأة انحذفت الرسالة .. واجاني ڤويز من سلام معصب ويحجي بـ حركة :- ديرباااالج تحجين عن علاقتنا يم اي احدددد .. لا تجيبين اسمنا سوا بـ جملة وحدة .. مااريد احد يعرف عن علاقتنا .. ولا تجيبين هَـالطاري كدامهن ترا يفرقن بينا ويسون مشاكل وتخرب علاقتنا وانا حذرتج ..

عرفت هو مسح الرسالة .. بـ البداية ضجت .. بس من شفت هيج الموضوع بي مصلحة الي فَ جاوبتة بـ : تمام حبيبي الي تشوفة ..

..
رجعت من صفنتي على صوت مسج جديد .. فتحتة شفتها دازة :- اجيت انصحج واروح .. تردين تصدكيني وتنقذين نفسج .. لا والله ماتردين هذه حياتج وأنتِ حرة ..

طبگت حواجبي مستغربة .. وگلبي يرجف :- شكوو

ـ اني قبلج جانت عندي علاقة بـ سلام وبعدين انفصلنا بس بقينا عادي نسولف بـ الكروب وطبيعي يعني بقينا اصدقاء ..  الصراحة كرهتة حيل بـ وقتها بس اخلص وكت ويا ..
بس وراها صار مقرب كلش .. ويثق بية يكلي أنتِ ماحابتني على مصلحة حتى من انفصلنا بقيتي وياي رغم كلشي ..