آشــين الحُــب

البـارت الحادي عشر

" آشين الحُب "
فاطمة أحمد

بعدني واكفة بـ مكاني وانفتح الباب فرات عيونةةة حمر ومخنزرة كال بـ صوت خشن :- هسة شني موافقة لااا ..

ضحكت بـ استهزاء وباوعت لـ ابرار خزرتني .. حسيت بـ جدية الموقف .. تداركت الموقف وهمست بـ صوت مسموع :- لااا

طلع للصالة يعارك بـ اهلي .. خطفت نظرة على ابرار خزرتها ورحت وراهم للصالة ..

فرات ـ كلة من وراج ، أنتِ فريتي عقل بتج مووو

خولة ـ اني ماانطي بنتي لـ واحد متزوج وحتى بس تغيضون مرتة بنتي مو ضحية لـ خطككم

بقى يسب ويغلط بس الصدمني بابا من وكف ويا وانطة بية وبـ ماما ..بابا حيييل علاقتة قوية بـ فرات كعداتهم وطلعاتهم كلها سوا .. حتى من حجتلي ماما من اجة عمها .. وجبرها على الزواج بـ أبوية .. لان  صديقة ومايكدر يرفضة ..

طلعوا فرات ومرتة وهو يغلون نار ..
وبابا بقى يغلط علينا هيج منجن ومن تربيتجن .. الخ

طلع بابا واحنا سحبنا النَفـس .. كعدت يم ماما والي فهمتة
يردون يزوجون سعدون لان مرته متجاوزة عليهم .. وطالعة زعلانة ويردون يحركون گلبها بـ مرة ..

واجو علينا عبالهم نوافق .. وبابا من كالوا اله السالفة موافق باقية بس موافقتي ..

شهد : عمي الله يساعدها مرت سعدون هاي شلون متحملتهم

خولة : والله الحق ينكال اني شفتها بـ هذول عيوني وردة وحبابة وسعدون مدللها ويحبها بس فرات ومرتة مخبلينها همة يداهرونها أربعة وعشرين ساعة ..

على كعدتنا سمعنا الباب انطبك .. باوعت بابا دخل ورجع طلع مدري شنو أخذ ..

للمغرب رجع يرش بـ اركان البيت مي مدري شبي ..
باوعتلة ماما بـ سؤال :- شنو هذا الماي ابو ابرار

ـ هذا مي للرزق وطرد الحسد والسحر ..

باوعتلة صفح وراحت .. واني كوه ضامة ضحكتي 
شوي ودخل علينا للغرفة شربنا من الماي كلنا حتى ابرار ..

التفتت حاصرتني الضحكة :- أبوج ناوي علينا اليوم

ـ هههه خلي يشربنا ماي ورد ومصدك روحة ..

كعدنا ثاني يوم على هوسة .. النعاس بـ عيوني باوعت ابرار كاعدة على حيلها وشعرها مكفش صاحت :- هاي شكووو من الصبححح

ـ شو دسكتي خل نسمع ..

وكفت يم الباب اتسنط واسمع بابا يكول :- جيبيهن وين موبايلاتهن .. خل اشوف واتاكد بـ عيني

بلعت ريگي بـ خوف وصدمة .. باوعت لـ ابرار :- بابا يريد موبايلاتنا

ـ شنو هاي ترا ماصايرة .. يريد يقرأ سوالفي وي رجلي ترا والله عييب!!