آشــين الحُــب

البـارت السادس

" آشين الحُب "
فاطمة أحمد

ردت ارجع للمطبخ وقطع طريقي بهاء ..

زفرت وباوعتله :- مااخلص منك يعني؟!

ـ لا تتوقعين تخلصين مني بـ يوم  ..

ـ شتريد بابا انتَ شبيك؟

ـ اروح فدوة لـ أبوج

عقجت وجهي بـ لعبان نفس وعفته ومشيت ..
شافتني دنيا ، تلفتت يمين يسار وهمست :- شكو شبي وجهج؟ بعده بهاء لازكلج ؟!

ـ لج عوفيني من هلـذبانة عوعع غثثثيت واكف بـ البلعوم ..

ـ شصاير

ـ ماكو شي .. تعالي خل اكمل الزلاطة

تركت المكان بـ تهرب وسارعت لـ المطبخ كملنا العشا ..
صبوا الاكل والكل تجمع على سفرة وحده
باوعت كلها ملتمة عمامي ونسوانهم وبهاء وعمتي وبيبي ..

زفرت وكعدت من لا جارة وبـ صفي كعدت ابرار .. اباوعلها عينها بـ الصحن مارفعتها ..

بقيت ساكتة ، كملت اكل وغسلنا المواعين ورحت لـ ابرار
لكيتها كاعده يم دُنيـا تحف الها شواربها ..

ـ شدسون ولجن

ـ لج الله عليج شهد هاي خلقة شواربها اطول من شوارب عمج

ـ دنيـا تعرفين امي ماتقبل نحفهن بس نخففهن

ـ دروحي عيني روحي لاادفرج هسه لج شوارب خضر حتى عيب والنبي

شمرت حسرة وكعدت يمهن .. التفتت الي دنيا :- شبيج كوا تجرين الحجاية من اجه بهاء وانكلبت احوالج!!

ـ وجوده يصيبني بـ القلق

ـ لچ خيولي هسه سنة سنتين يأيس منج ويتزوج ودشوفي

ـ ياريت بس لو سواها شغلة عنااد وانطوني اله تلكوني بـ الفتحة السابعة غير !!

ـ منو ينطيج لهل مخبل هالدايح ؟! لج بابا كل اهله يعرفونه واحد مسربت لا يم دين ولا يم اخلاق كلشي صفر ..

ـ عادي عدهم اذا ولد عسى ماهسه اسوء خلق الله يعتبرونه مامسوي شي ولا علي حساب لان ولد
بس البنية لااا لو طلعت باب البيت كارثةةة تطيح فوك راسنا .. هذا مجتمعنا وهذول ناسنا .. أهله واول الناس يعرفون هو شنو ، بـ مكان ماينصحونه ويعدلون طريقة مغلسين على الوضع .. تربيتهم تقتصر بس على البنية الي لو شما سوت تبقى بـ عينهم عورة و نكرة و ناقصة عقل و دين ..

دنيا ـ أهدي شهد اهدي

شهد ـ اني كُلش اكرة هَـ المجتمع الذكوري الي اني عايشة بي

ابرار ـ ترا كلامها كله صح ليش تردين تسكتينها دنيا

دنيا ـ ما كلت خطأ بس شوفي تحجي وترجف بـ عصبية مايسوى خيولي .. احنا لو نكدر نسوي شي چان سوينااا من زمان بس مانكدر