الدماني علطول سكرت ع ويه الريال وشهقت: تخيييلو هذااااا خالي ماييد ريل عمووه لطيفة !
عوشه انصدمت: وانتتتي شعننه راقعتنه بلوووك!
الدماني: ترااا مره عمووه دقت له من فوني ييوم عذبة كانت تعبانه وسايره الاستديو وتضاربت وياه وهو تم يدق ع رقمي وايييد عشان يرمس عموه جان تقولي رقعيه بلوك ورقعته من ذاك اليوم ... ما كنت ادري انه هو نسيييت عبالي كل اللي فالبلوك لست هم لي نسوي فيهم مقالب! وها الرقم محد يدريبه غير حرمته حتى نحن ماندريبه !
ظبيه شهقت مره وحده: اقووولكم هذاا رقم غريب قام يتصلبييي!
عوشه ارتبكت: هووو مايد ما غيره لا تردين عليه
الدماني: عطيني الرقم بسرعه بظهره من الريل كولر
ظبية نقلت الدماني الرقم وصدق ظهر رقم من ارقام مايد !
عوشه: اييه والله بصيح لو عرف انه نحن بيسير يضارب مع عمتيه لطيفة روحها مش ناقصه عموه فديتها وبعدين بيحرمها من بنتها عذبه وهيه مالها ذنب
الدماني حست بتأنيب الضمير: لا تقولين
ظبية: هو صح عذبة تلوع بالجبد بس حرام عموه وايد تحبها بنتها هاي فالنهايه -وخذت نفس- اذا رد دق برد عليه وبستسمح منه
عوشه: لا ظبوي لاااااا
الدماني: اسفهييه ورقعيه بلوك أخير مش ناقصين وربي اذا عرف انج ظبيه بيفصل عليج خالي تراه مش صاحي صدق يلوع بالجبد لو انه خالي بس هالصدق ما اروم اجذب بعد !
رن هنيه الفون وكان نفس الرقم الغريب ... وظبيه كانت صدق معزمه ترد وردت رغم رفض اللي وياها
ظبية: الو مرحبا
مايد بنبرة هاديه: هلا ختيه ... أقول ختيه انتي داقه ع رقمي الثاني وواضح انه حد مطرشنج
ظبية: نعم اخوي؟ أي رقم ثاني؟
مايد: رقمي لي يبدا ب ثلاث تسعات
ظبية: اووه السموحه اخويه دقيت عليك بالغلط
مايد: ماظن بالغلط الرقم هذا مستحيل يكون رقم مطعم ع قولتج وثانيًا مش عاطنه لغير الناس اللي قراب مني وايد
ظبية: انزين انا اتأسف لك اخويه وسامحني الحينه وصل المطعم أبا اسير استلم طلبي
مايد: ماعلييه سيري سيري ... بس مردي اعرف منوه مطرشنج
ظبية انقهرت: اوكييه اخوييه مع السلامه
وسكرت في ويهه من القهر
ظبية زاعقت: يييييييييعععععععع مستفززز عموه كيف عاشت معاه قبل!
الدماني: يقهرررر دخيلج رقعييه بلوك فكيينا من صدعته
ظبية: برقعه برقعه وععع
عوشه: أقول امشو نرقد بس احسن انقلب مودي
الدماني: انا بعد بس اباااا لحاف
ظبية توسعت عيونها: يالظالمه ثلاث لحف عندج وبعد تبغين الرابع!
عوشه: اناااا ما بعطييج لي عندي سيري خيمة اللحف وسرقي لج واحدً
الدماني بوزت: بردانه والله مش قادره انش
ظبية: حشى لابسه اند وير ومخمل فوقه غير الزلاغ وجاكييييييت وثلاث لحف وعدج بردانه !
الدماني شوي وبتصيح: ما اتحمل البرد ياخي
عوشه تاففتت: قوميي بساعدج
الدماني استانست: يلاا ، بس بنركض عشان ندفى
عوشه: وين لي قوة اركض الحينه
الدماني بنظرة بريئة: تكفييين عوشه
عوشه تنهدت: امرنا لـ الله
وركضن هنيه الدماني وعوشه وسارو يسرقون من الخيمة اللي معاهم في نفس السيد بس اخر وحده كان مافيها بنات بس كلها لحف ومخدات وغيره فسرقو لـ الدماني لحاف وردو خيمتهم
كل وحده فيهن سارت ترقد وعدت هالليلة على خير ... واليوم الثاني ردو البنات بوظبي لكن الدماني أصرت انها ترد بيت يدها سعيد ما ردت بيتهم لانها ما تبغي تشوف أمها ولا تشوف اختها الصغيرة
ردت عليا من المستشفى لانها سارت تزور ام غيث اليوم بعد وأول ما دخلت حجرتها انصدمت باللي يالسه ع شبريتها وحاطه الابتوب جدامها وتشوف فلم ع نتفلكس
عليا زاعقت: انتييييي شو تسوييين هنيييه ! هذا بدال ما تسيريين المستشفى عند امج
الدماني ولا رفعت نظرها عن الاب: وخير يا طير ترا ربت شو يعني
عليا تنهدت: استغفرالله العلي العظيم منج يا بنيه ... ازعلي من اليوم لين بااااجر محد درابج أصلا حتى ابوج ميت من الوناسه انه ييته بنت
الدماني رفعت عينها بقهر: والله؟
عليا ابتسمت: والله
الدماني سكرت لابتوبها بقوه وطالعت عليا بحده: يدي سعيييد هنييه؟
عليا استغربت: هييه تحت ليش ؟
