في بيت بوعبدالعزيز ...
نزلت هند من فوق وقالت بصوت عالي: يلااا غالية بسرعة انا ما بنطرج
غالية وهيه تسكر باب حجرتها بقوة: لحظظظة شفيج مابيطير بيت اخوج
هند ما سوت لها سالفه وشلت اغراضها وظهرت كان اخوهم ناصر يترياهن عشان يوصلهن بيت اخوهم العود
ركبت هند حذال ناصر وقالت ببتسامه هادية: السلام عليكم
ناصر وهو طفران: وعليكم السلام ... الخبله الثانية وين ؟
هند رفعت حايب: احترم انه نحن اكبر عنك
ناصر من غير اهتمام: ايه خير ان شاء الله -وفتح جامته وزاعق- يلاااااااا بسرعة
غالية فتحت الباب اللي ورا وهيه متهبدلة: اعوذبالله شفيك شفيك انت واختك طايرييين !
ناصر وهو بدا يسوق وهيه بعدها ما سكرت الباب حتى: متأخر ع الررببع
غالية سكرت الباب بقوة وزاعقت: لحظظظظة ! عبايتي برع
ناصر: هيه فرقت يعني ! دخليها بس
غالية فتحت الباب وخفف هو من سرعته اصلًا بعده ما كان يسوق بسرعه وكملو الدرب لين وصلو لبيت عبدالعزيز اللي ما كان يبعد وايد عن منطقتهم
نزلهم ناصر وعلطول راح حتى ما نزل يسلم ع اخوه ... بس محد يلومه لانه مشتاق لربعه اللي في قطر واييد ويعرف انه ما بيطول هنيه اساسًا
من دخلو البيت شافو شمسة وموزة يالسات حذال بعض وعبدالعزيز وياهم بس مشغول بلابتوبه ويتقهون وياكلون كيك
غالية ابتسمت:مسااء الخير
هند وهيه تنزل شيلتها:السلام عليكم
عبدالعزيز والبنات ردو عليهن اثنيناتهن
تقدمت هند وسلمت ع شمسة وموزة بس سلام عادي بس يوم راحت عند عبدالعزيز سلمت عليه سلام حار
هند همست له وهيه حاضنتنه: تولهتتت عليك يا اخوي
عبدالعزيز ابتسم من خاطره: حتى انا تولهت عليج -وابتعد شوي- تعالي قعدي يمي
يلست هند حذال عبدالعزيز وموزة كانت نظراتها ع هند ... ما تعودو يشوفونها بهالاندفاع يمكن لانها كانت دوم بعييده عنهن يوم يت الامارات ؟ ولا ما صادف انهم يتعرفون عليها اساسًا !
هند حطت ريل ع ريل وقالت بحماس: عزوز مادريت
عبدالعزيز طالعها باهتمام: عن ؟
شمسة شرقت وهيه تشرب الجاهي مصدومة من اللي سمعته ... اول مره تسمع حد يدلع ريلها اصلًا !
ماتعرف هيه ليش تحس بهالشعور بس تحس مستحيل تزقره عزوز ولا عزيز ... متعوده عبدالعزيز وتحس فيه حدود فهاذي كيف تقولها جيه دايركت !
موزة ضربت ظهر شمسة: صحه صحه
شمسة تفشلت ونزلت الكوب بسرعة ... اما هند فتجاهلت اللي صار وقالت
هند: انا اقنعت ابوي اني ابقى فقطر هالاسبوع بما انك ما راح تسافر معانا لندن
عبدالعزيز ابتسم ابتسامه هادية: صدق ! خلاص عيل بتنامين عندي فالبيت
هند أبعدت شعرها القصير وضحكت: اكيييد ... اصلًا انا كنسلت السفرة عشان اقعد معاك واسولف واطلع كل اللي في خاطري ... روحتنا للامارات وايد وايد ابعدتنا عن بعض -وتغيرت نبرتها- حتى زواجك ابعدك عنا
عبدالعزيز سكت لانه حس انه شمسة تحسست من الموضوع شوي خاصة انها تمت تحاول تشغل عمرها باي شي واخر شي نشت بهدوء
موزة استغربت: شموس وين سايرة ؟
شمسة وهيه تحاول تخفي ارتباكها: بسير ايب العصير من الثلاجة
غالية نشت: قعدي قعدي مكانج تحسسيني ضيوف نحن عندج ترا عادي ... انا بروح اييب
شمسة ما اعترضت وهالشي استنكره عبدالعزيز ... يعرف شمسة كيف تحب دوم هيه لي تسوي كل شي !
سارت غالية صوب المطبخ اللي كان بعيد عن الصالة وع دخلتها انفجعت مرة وحدة يوم شافت واحد واقف في الزواية وياكل اندومي
غالية شهقت: اعوذبالله من الشيطان الرجييم !
لف صوبها مفزوع هو الثاني لانه كان معطي الباب ظهره: بسم الله الرحمن الرحيم
غالية يوم استوعبت الشخص ابتسمت ابتسامة ماكرة: اووووه معضضد في بيتنا !
معضد رفع حايب وقال بنفس نبرتها: اول شي هب في بيتكم انا ... في بيت عبدالعزيز لي هو اخوج
غالية بدلع مستفز: ما يهم ... يسد انك في داريييي
معضد طنشها ورد كمل اكله
غالية: شقاعد تسوي ؟
معضد وهو يتعمد يظهر صوت وهو ياكل عشان يقهرها بس: اككللللل
غالية: خدامة انت خدامة تاكل اندومي ؟ -واعتلت نبرتها- هاااا اكيد سارق اكل الخدماتتت الحين بعلم اختك عليك
معضد بسخرية: ادورين سوالف انتي وويهج؟ بعدين شموس هيه روحها لي سوت لي الاندومي لاني هب متغدي اليوم
غالية بلقافة: شحقه ما تغديت ؟
معضد: شموس طابخه سمج لانه ابويه في خاطره وعاده انا ما احب السمج
غالية شهقت: معقووولة في ولد مايحب السمج ! مستحييييييل
معضد ابتسم ابتسامه باردة: فيني حساسية من السي فود بشكل عام
غالية هزت راسها: اهااااااااا
معضد ما تغيرت ابتسامته وسار حط صحن الاندومي وغسل ثمه وهيه بعدها في مكانها
قرب صوبها لانها صوب الباب وقال بعد تردد: ترا الأصفر حلو عليج
قال هالجملة وظهر علطول من المطبخ اما هيه فمن قالها هالجملة ما استوعبت شو الأصفر !
طالعت الادرس اللي تحت عبايتها وكان اصفر ومورد بورود كبار بيض وحمر واستحت من خاطرها لدرجة انها نست اصلًا ليش يايه هنيه لييين دشت عليها موزة
موزةاستغربت هاي ليش واقفه مكانها ومبتسمه ابتسامه غبية
موزة: غالية ؟
