بعد فترة طوييييلة بسبة المسافة البعييدة وصل للمستشفى وخلا موتره مشتغل هب مهتم له
وركض علطول داخل ...
تم يدور في المستشفى مثل المينون من خوفه حتى ما يا في انه باله يسأل حد عنها !
لين سمع صوت من وراه ... يشبه صووووته بالضبط ... لا اصلًا هو صوته بالاحرى!!
:مااانع ؟!
لف بسرعة صوب اخوه وقاله بكل بخوف ورجفة: ياااانع الظبي ويييييييينهااااااا!
يانع وواضحه الربكة ع كل ملامح ويهه: الظبي بيدخلونها غرفة الولادة
مانع تجمدت كل ملامح ويهه: كيييف !! ويينها أبا اشووفها ؟!
يانع بانفعال: مايصيير مانع
مانع تجاهل يانع وسار يركض من خاطره صوب المكان اللي يانع يا منه وهو يسب نفسه في داخله ملييييون مره لانه تأخر عليها ...
شوه اللي وصلها لهالمرحلة ! شوه اللي بيخليها تولد ولادة مبكرة وشوه الخطر اللي عليها !
لمح إلياس كان توه طالع من وحده من الغرف جان يدخلها علطول حتى ما سلم ع إلياس ولا رمسه
اول ما دخل شافها منسدحة ع السرير وواضح من ملامح ويها انها تتألم !
وانين صوتها كان نااااااعم بعكس صلابة مظهرها الخارجي وهالشي زاد خوفه عليها لانه ما اعتاد ع الظبي جيه!
تقرب صوبها متجاهل كل شخص يمنعه ومسح ع ويها علطول
مانع بصوت مبحوح: الظبي !
الظبي لا ارادي من حست بلمسته الخاصة وسمعت صوته بنبرته اللي تميزها وتفرقها عن نبرة تؤامه الثاني فتحت عيونها شوي شوي ...
قالت مابين تعبها: ما...نع!
مانع علطول باس ويها وحضن ويها لصدره: هييه مانع يا رووح مانع انتي ... دخيلج خلج قويية تحمللي عشاني وانتي ترا قوية من عرفتج لا تضعفين في هاللحظة وتخليني روحي يالظبي -وبضعف هزم كل شجاعته- دخييلج لا تخليني !
الظبي لا ارادي دموعها نزلن بهدوء: مانع انت لي دخيلك ... خبرهم قولهم انك موجود محد يصدقني
مانع ابتعد شوي ومسك ايدها بقوة: والله انا موجوود يالظبي والله
الظبي بحزن كان اكبر واعمق من أي إلم ثاني تحس به جسديًا: محد يصدقني ! انا ماباهم يولدوني أخاف اظهر من العملية الاقيك محد!
مانع باس ايدها ورد طالعها: انا وعدتج يالظبي ومانع عمره ما اخلف بوعوده وانتي اكثر وحده تدريبه!
الظبي صاحت هنيه بس صياحها خالطه انين انسانه تتألم: ان شاء الله ما اظهر من العملية لو بظهر وبلاقيك محد
مانع حط صبعه ع شفايفها يسكتها: لا تقولييين جيه ... يعل يومي قبل يومج يالظبي بسم الله عليج !
الظبي غمضت عيونها بقوة وقالت بغصه: ذقت مرارة بعدك مرتين يا مانع... مرتين -وانبح صوتها هنيه وزادت غصتها ومرارتها- الثالثه بتذبحني والله العظيم بتذبحني ماعاد بقى فيه شي ...
يانع تقرب في هاللحظة من مانع: مانع خلاص لازم تظهر انته جيه يمكن تأذيها وتأذي الجنين !
مانع تجاهل يانع وطالع الظبي بنظرة رغم الضعف اللي فيها الا انه فيها ثقة كبيرة: بتظهرين يالظبي ان شاء الله ... بتظهرين انتي وولدج وانا اللي بأذن في اذنه وانا اول شخص بيلمج في حضنه ... اوعدج وانتي تعرفين وعود مانع !
تقرب وباس راسها للمره الأخيرة وهنيه صدق ابعدوه هو ويانع عن الظبي عشان يودونها غرفة العمليات ... اول ما ظهر مانع من عند الظبي تم يستودعها في خاطره ويدعي لها تقوم بالسلامة ويسهل ويخفف عنها كل ألم ويمدها بقوة تخليها تحاوب كل شعور تحس في هاللحظة ...
الود وده يشل عنها هالالم ولا انه يشوفها تتعذب بس ؟ مايقدر ...
رفع راسه لا ارادي يوم سمع أصوات اشخاص تقربو منهم وأول ما رفع راسه طاحت عينه بعين ابوه اللي اول شي ما استوعب لكن يوم شاف انه يانع واقف صوب مانع عرف علطول انه هذا هو مانع خاصة انه نظرة مانع له كانت مبهمة بعكس نظرة يانع العاديه
رفع حايب وقال بصوت خفيف: انت شوه ردك ! هب قلت خلاص ما بترد ولا بتراويني شيفتك مره ثانيه !
مانع رمق ابوه بنظرة باردة: انا ما اقدر اختفي للابد عشانك انته ! شي وايد ناس يتريوني واولهم الظبي
بو مطر زفر بضجر: ما يسسد انك فضحتنا قبل ثلاث سنين والحين ياي بكل وقاحة بعد الفلم اللي سويته ترد تفضحنا من اول ويديد !
يانع تنرفز: ابووويه مليون مره قلتلك مانع ما يخصصصصه...
قاطعه في هاللحظة مانع وقال بصرامة وبصوت جهوري: مب انته تشوفني غلطت قبل ثلاث سنين ؟ خلاص انا صلحت غلطتيه والبنيه وخذتها وبييبها تسكن عندك انته وامايه بعد !
ام مطر في هاللحظة كانت يايه هيه وظبية ويوم سمعت الرمسه هاذي وشافت قدامها *مانع* وحذاله *يانع* توسعت عيونها بصدمة وشهقت
ام مطر: يانع شوه ياك صرت اثنين !
ظبية بلعت رييقها وقالت بعد تردد: اماااييه هذاا مانع !
مانع سحب ع ابوه وطالع امه وابتسم: هيييه يا امايه ... صدقها ظبية انا مانع
ام مطر لا ارادي صاحت بصوت عالي: انتته وييييينك يا مانع كييف قالو انك مت وعزونيي فيك !
بو مطر بعصبية: مرييم هذا مش وقت صراخج وصياحج عاد !
مانع رمق ابوه بنظرة حاده وسار ولوا ع امه وباسه راسها وايدها: السموحه منج يا امايه اني عورت قلبج عليه وانا بخير مافيه شي ...
ظبية ما تحملت الموقف قدامها وربعت صوب يانع وحضنته وصاحت
ظبية: يانع اماانه قول لي هذذاا لي حاضن امايه ماانع وانا مش يالسه اتوهم واتخييل !
يانع مسح ع راسه اخته بكل حنان: والله يا ظبوي هذا لي عند امج مانع ...
