الحكاية حصري لجروب مريم نصار وغير مسموح بنشرها في أي مكان آخر.
#موت الاب والام 💔💔💔
آلَلَهّمً طِيَبً ثًرآهّم وٌأکْرمً مًئواهّم وٌآجّعٌلَ آلَجّنِةّ مًسِتٌقُرهّم وٌمًأوٌآهّم- آلَلَهّمً نِوٌر مًرقُدٍهّم وٌعٌطِر مًشُهّدٍهّم - آلَلَهّمً آنِسِ وٌحًشُتٌهّم وٌآرحًمً غُربًتٌهّم وٌقُهّم عٌذِآبً آلَقُبًر وٌعٌذِآبً آلَنِآر - آلَلَهّمً نِقُهّم مًنِ خِطِآيَآهّم کْمًآ يَنِقُﮯ آلَثًوٌبً آلَأبًيَض مًنِ آلَدٍنِسِ - آلَلَهّمً فُسِحً لَهّم فُيَ قُبًرهّم وٌآجّعٌلَهّ روٌضةّ مًنِ ريَآض آلَجّنِةّ وٌلَآ تٌجّعٌلَهّ حًفُرةّ مًنِ حًفُر آلَنِآر - آلَلَهّمً أبًدٍلَهّم دٍآرآ خِيَرآ مًنِ دٍآرهّم وٌأهّلَآ خِيَرآ مًنِ أهّلَهّم وٌأسِکْنِهّم فُسِيَح جّنِآتٌکْ فُيَ آلَدٍرآجّآتٌ آلَعٌلَيَ .. وٌآرحًمً آلَلَهّمً بًرحًمًتٌکْ آلَوٌآسِعٌهّ مًوٌتٌيَ آلَمًسِلَمًيَنِ أجّمًعٌيَنِ يَآ آلَلَهّ يَآربً آلَعٌآلَمًيَن🤲
←←←←←←←←←←←←←←←←←←
بسم الله نبدأ.
قدام الورشه.
حليم واقف يتفق مع شغل تصليح مع شباب جايه تبع صاحبه و واحد اتكلم:
ـ يسطى حليم السعر اللي انت بتقول عليه ده عالي خليك حنين حبتين.
حليم مبتسم ورد عليه:
ـ والله يانجم أنت جاي وعارف إنك مش هتلاقي الأسعار بتاعتنا دي برة، وكمان انا مش هزعلكوا انتوا جايين من طرف حماصه صحبي وأنا مقدرش ع زعله، شوف يانجم أنت عايز تدفع ايه ومش هنختلف، ولو إن ٢٥٠٠ جنيه مش حاجه يعني، وانتوا عارفين كل حاجه في السوق.
رد عليه واحد تاني واتكلم:
ـ إحنا عارفين كل كلامك ده يسطى حليم، والاسعار كل يوم في الطالع،وحماصه قال فيك كل خير وبتقف وقفة معلمين مع أي حد وباين على شكلك إنك إبن ناس ومجدع وبتقدر، بس صحابك ظروفهم ربنا اللي يعلم بيها، ناشفه خالص، وجاينلك من آخر الدنيا ،ودي مش اول مرة هنجيلك فيها إن شاء الله، أنا بقول نقفلهم ٢٠٠٠ جني آمين! ولو مش هينفع! قولنا خدوا العربيه واتكلوا ع الله، وبردوا هنبقى مرضيين، ومشكور ع كوباية الشاي.
ضحك حليم وقال:
ـ أنت بثبتي وتحرجني يعني يانجم! مع أنه والله ما ينفع السعر ومفيش مكسب ليا بس لجل اصطباحتكوا العسل دي نقفلهم ٢٠٠٠ ولو مش معاكوا انا سداد واعتبر الفلوس وصلت يصحبي! واوصلك العربيه لحد باب البيت.
الاتنين ابتسموا من اسلوبه وزوقه وشكروا حليم و واحد منهم سأله:
ـ تسلم ياكبير الله يباركلك، بس نجيلك امتى إن شاء الله ناخدها؟
رد عليه حليم:
ـ خليها بكرة بعد العصر إن شاء الله علشان هبعت الصبي بتاعي يشتري شوية حاجات لوازم التصليح انتوا شايفين الكابوت عامل ازاي!
سلموا عليه ومشيوا،. حليم نده ع شقاوه وجه:
ـ اؤمرني يسطى حليم.
طلع فلوس من جيبه واتكلم:
ـ أمسك ياض الفلوس دي وطيران على عمك شكري كماشه؛ هاتلي من عندو منشار الكهربا بتاعي واخده مني داخل ع الاسبوع اهو ومبعتوش قوله لاسطى حليم بيقولك عايز المنشار ضروري علشان الاستبن عطلان، وأنت راجع عدي على الواد حوده زراير، قوله لاسطى حليم بيقولك افتح ام تليفونك وعايزك بعد المغرب تعدي عليه يبص ع عفشة العربيه دي يمكن يطلعلوا سبوبه حلوه بدل ما اهو طول اليوم نايم وقافل تليفونه، واسمع..! مش عايز رجليك تعلم ع الأرض، الناس هتستلم شغلها بكره.
شقاوه اخد الفلوس وقال:
ـ طيران يسطى هاخد العجلة بتاعتي وارجع هوا.
ركب شقاوه العجلة وساق بسرعة، ودخل حليم الورشه يكمل شغله.
