بارت ١٨ جهاد و سلامة.
الفروض:
2 الفجر + 4 الظهر + 4العصر + 3المغرب + 4العشاء = 17ركعة
السنن_الرواتب:
2 قبل الفجر + 4 قبل الظهر + 2 بعد الظهر + 2 بعد المغرب + 2 بعد العشاء= 12ركعة
صلاة الضحى ويكون أقلها ركعتين وأكثرها 12 ركعة
قيام_الليل
وتكون أقلها ركعتين ولا حد لأعلاها + 2 شفع و1 وتر .
هذا ما كان يحافظ عليهم النبى صلى الله عليه وسلم فى اليوم والليلة
المحافظة على الصلاة كل يوم كفيلة بتغيير حياتك .
.
( وذكر فإن الذكرى تنفع المؤمنين)
================================
بسم الله نبدأ.
في بيت بكار.
ولاد بكار التلاته قاعدين ع تربيزة الأكل مستنيين العشا، يسريه خارجه من المطبخ وشايله طبق و بنتها الصغيره ع دراعها وبتحط الطبق وسمعت صوت الباب ولوت بقها وقالت بسخرية:- اهو شرف بسلامتة،بيجي ع الأكل بالظبط.
دخل بكار و واضح عليه الأرق والتعب وقال بتهالك وهو بيقعد ع الكنبه:- سلامو عليكو يام العيال.
ضحكت بسخريه وقالت:- وعليكو السلام يابو العيال، أنت جيت ياخويا!
رد بتريقه وقال:- لأ لسه في الفرن بس بعتلك صوتي في رساله يطمنك عليا.
نيمت البيبي ع الكنبه وراحت قعدت جمبه وقالت بتهكم:- بتهزر يامرشدي؟ بزمتك ليك نفس تهزر؟
نفخ بخنقه وخبط كف بكف وقال:- اللهم طولك ياروح، مالك ع المسا يا يسريه! انا طول النهار داير زي الساقيه وراجع مهدود حيلي، عندك كلمه حلوه! قوليها؛ معندكيش اقوم أكل لقمه أسند بيها طولي واتخمد.
بصتله بغيظ وقالت:- ماهو ده اللي أنت فالح فيه! تتصرمح طول النهار برة وترجع بليل مكيف دماغك وعايز تطفح وتنام، إنما تحسسنا إنك راجل وعندك بيت وعيال!!! لااا كيفك الأول تشرب وتعمر دماغك، وأحنا مش مهم.
مسح وشه بأيديه وكمل بتعب:- يستي والله العظيم انا بقالي سنه واكتر ماعارف اشرب واتنيل اي حاجه غير السجاير؛ هو أنا لاقي اشتري حاجه ؟ انتي منفضه عليا انتي وعيالك مش مخليا حيلتي مليم واحد اشم بيه نفسي.
ضحكت بسخريه وقالت:- مليم!!! وأنت حيلتك ايه ياموكوس علشان ناخدو منك! ده انت تحمد ربنا اني رضيت بيك واتجوزتك ولميتك من الشارع، وإلا كان زمانك مرمي في السجن ولا بقيت مدمن، قُصر الكلام أنت عرفت الجديد؟
هرش في دماغة وقال وهو بيتاوب:- وانا هعرف منين وأنا مطحون في شغلانتين!! ومبرجعش غير بليل، المهم إيه الجديد إن شاء الله.
قامت تجيب باقي الأكل وقالت بشماته:- مش بيت أمك، قصدي اللي كان بتاع أمك، شفاعه أجرته لزبون من اسبوع.
فتح عينيه بصدمه وقال بغيظ:- ايييه!! أنتي بتقولي ايه يا يسريه! أجروها ازاااي يعني؟ دي مقفوله من سنين!
حطت الأكل والعيال بدأوا أكل وقالت:- هما نيموك في الخط! ولما شافوا إنك مفيش منك رجا ولا خوف! عرفوا أنهم في الأمان، وشغلوا دماغهم وقالوا نستفاد من الشقه بدل ما هى مقفوله كده، وأنت بالسلامه بقى.
