بارت ١٠ جهاد و سلامة.
#ملحوظه قبل القراءة، إن شاء الله أنا هنزل الحكاية أو القصه بعد كده يوم بعد يوم لظروف خاصة، بداية من اليوم يعني البارت الجاي يوم الأحد بإذن الله تعالى.
أسأل الله رب الفلق أن يحميكم من شر ماخلق ويزيح عنكم ألهم والقلق ويعطيكم من خير مارزق
جعلكم الله من المطمئنة قلوبهم والمنشرحة صدورهم والمضاءة دروبهم والمجابة دعواتهم ورزقكم ربي طول العمر وصلاح العمل وطيب المقام وحسن الختام وجعلكم من احباب سيد الأنام وادخلكم ووالديكم جنة الفردوس بسلام،جمعة مملوءة بالطاعة والذكر
وصل الله على سيدنا محمد وعلى آله وصحبه وسلم.
←←←←←←←←←←←←←←←←←←
بسم الله نبدأ.
نضال بيسمع مراته وطبعاً كان عايز عليه ينفجر فيها لكن مردش عليها، ساكت خالص وبيقلب نظراته ليهم وشاف حماته بتشجع بنتها ف قرارها واتكلمت بكبرياء:
ـ براڤو عليكي يا رجاء ياحبيبتي، من سنين وانا منتظرة منك الخطوة دي، انا شايفه إن أسلوب جهاد في الانحدار وده مايتناسبش معانا خالص، طيب انتي عارفه طنطك يسرا؟ مرات اونكل عزت! أول ما شافت جهاد معانا في النادي انتقدت طريقة أكله، تخيلي يارجاء! كان بياكل الآيس كريم من غير معلقه،كانت طريقة لوكل اوي، وقتها كنت مكسوفه خالص، وحاولت اعتذر منها بطريقة شيك بحجة أنه لسه صغير، وكمان أكل بسكوتة الآيس بطريقة مش حلوه خالص خالص، اوو نووو بجد، جهاد لازم يتعلم الاتيكيت ويكون منتبه اكتر من كده لتصرفاته، لمجرد التخيل دوخت ايمبوسيل بجد.
خلصت كلامها وبصت لنضال بسخريه وكملت:
ـ إحنا عايزين حفيدي يبقى متعلم كل أصول العراقه والأسلوب المتحضر، مايكونش مجرد شخص غير سوى وغير مدرك لأفعاله، همجي..! كفايه علينا واحد متحملينه بالعافيه، مش كده ولا ايه يانضال..؟
هى كانت تقصد نضال بكلامها وأنها متحملاه بالعافيه، ومستنيه اندفاعه علشان تثبت لبنتها أنه فعلاً ماينسبهاش حتى لو فات ع جوازهم كتير، نضال بص ليها وفكر لثواني وبصلها بإبتسامة بارده، وبص لمراته بنفس الابتسامة لكن جواه غيظ مالوش آخر، وبص ع جهاد وكان قاعد مع ولد في عمرة تقريباً قدام الكمبيوتر، و واضح إن جهاد متفوق في اللعبه بحرفيه كبيره وده أتأكد منه لأنه شاف إبنه وقت فراغه ديما بيطلع وحدته وخنقته في ألعاب الكمبيوتر، واخد نفس طويل وطلعه بهدوء وأخيراً اتكلم بهدوء غير عادي:
ـ والله يا خديجة هانم انتي لو عايزه تجيبي ألف مدرس اتيكيت لحفيدك، وألف مدرس موسيقى، ومدرس يعلمه لامؤخذه ازاي يدخل الحمام، ومدرس يعلمه ازاي يهرش لما ناموسه تلدغه وازاي ياكل الآيس كريم بالمعلقه زي ما بتقولي انا معنديش اي مانع.
خديجه ورجاء بصوا لبعض بإعجاب وانبهار أنه بدأ يتفهم الأمور المهمه بالنسبة لحياتهم لكن اعجابهم اتحول لدهشه لما كمل كلامه وقال:
ـ بما اني مش هدفع مليم واحد وسيادتك هتتكفلي بجميع مصاريف تعليم حفيدك إل...... الاتيكيت، مش هو اسمه كده بردوا؟ اتيكيت صح؟
