~ من فضلك لايك وكومنت تقديراً لتعبي ❤️ ~
تُركي بهدوء : عندي خبر بقوله لكم
أبوه عبدالعزيز:تقدر تقوله بعد الفطور
تُركي بنفي: لا مقدر عـاجل،التفت ع امه، يمه ابيك تكلمين خالتي تخطبين لي بنتها
ام تركي بصدمه : بنتها رِهام؟؟؟
تُركي : اي
عبدالعزيز بأعتراض : لااا البنت ماتصلح لك امك تدور لك ع وحده غيرها
تُركي بقرار صارم وإصرار : مابي الا رِهام غيرها تحرم علي بنات آدم
يزن بمزح وتنطز : هه العاشق الولهان
امه وابوه عطوه نظره انخرش وقام لـ بيت الشعر على دخول الجد
بصوت عالي : تُركي سمعت انك تبي تخطب بنت سُميه صحيح هالكلام؟
تُركي بتنهيده وقف وايده خلف ظهره: اي عندك اعتراض؟مايهمني اعتراضك ولا اعتراض اي احد كان
عبدالعزيز قام وتوجه له ووقف قدامه وهو يأشر بصبعه كـتهديد :
والله لو ماتعدل اسلوبك مع جدك وتحترم الكبير قبل الصغير ولا انا الي اعدلك بطريقتي
تُـركي بتطنيش لف ع امه : يمه اليوم كلميها العصر و ابيها تعطيني موافقتها
نجد"ام تركي" : بس ياولدي الامور مو كذا بسرعه ماهي لعبة بزران عالأقل يومين يفكرون فيها ويستشيرونها مو بزين السُرعه
الجد: يعني بتدوس على كلامي؟ماتاخذ الفاسقه العاهره سامعني
تركي بعصبيه مخفيه : مااسمح لك تغلط عليها وهذا كان ماضي ونا مايهمني ماضيها
الجد: ماقلو البنات عشان تاخذ وحده لها سوابق ياكثر البنات ومن ضمنهم بنت خليفة
تركي بنفاذ صبر : يَحرم علي بنات ادم ان ماخذيتها،ولف صاعد جناحه
عبدالعزيز بتنهيده وتعذر: امسحها بوجهي يابوي الظاهر ماعرفت اربيه
الجد: يا انا يا هو ماياخذها لو على جـثتي
عبدالعزيز بتهدئه : يبه اهدأ وماصاير الا كل خير ان شاءالله اهدأ لايصير لك شي
اما نجد "ام تركي " تضايقت من ردة فعلهم هذا ماضي والكل عنده ماضي اسود والكل يُخطأ محد معصوم! البنت الحين نظيفه رجعت لعقلها ووعت على نفسها وتغير تفكيرها،بس ! آل سبع مايآخذون انسان عنده ماض وخصوصاً لو كانت بنت !
..
دخل يزن وهو يتنفس بسرعه ويكح من الركض وبصوت عــاااالــي: يــعيـال ... عنندي لكم خببر يعيال
صقر: انا قايل في مصيبه قايل
نادر : يالكذاب متى قلت
صقر كان بيرد عليه بس قاطعه شاد : ايوا قول قول وش يبي جدي بتركي؟؟
يزن وهو يناظرهم: ... تركي بيتزوج
الشباب بصوت واحد وبدهشّه : وششـنـهـهههــو ؟؟؟
~
