تركي ابتسم 'يعني مو محيّره لاحد زييين ': اي انا اعارف وهذا الي بغيته انك تشاورها لحالك ان وافقت بكره بنفتح الموضوع بالمجلس ونخطبها رسمي واملك عليها
سيف انصدم من استعجاله وصعب عليه الموقف وهو يعرف اخته رافضه فكرة الزواج الحين : ان شاءالله الله يكتب الي فيه الخير عطني فرصه انشدها (اسألها) وارد عليك
تركي ابتسم ويتمنى من كل قلبه ترفض عشان خطته : خذ راحتك .. حقكم
وتلثم بشماغه وركب خيله وامسِك اللجام واسرع لبرا صديقه من طفولته هو الي مرّبي ومهتم فيه 'الخَيل'.
-
جتها رسالة من سيف يطلبها تطلعه له وقفت تأفتت بضجر : اليوم جوالي ماسكت كل شوي احد يناديني وش هالحاله
لميس : هيه وين رايحه؟
النجلا رمت عليها المخده وهي تلبس العباة : سيف يناديني
لميس : غريبه روحي يمكن في شي ، وياحسرتي علي كنت بقولك سالفتي
النَجلا وسعَت عيونها : يالكذابه لاتتحججين مساعه احاول فيك مش راضيه الحين لم وقفت بتقولين وربي رايحه خمس دقايق وبرجع تقولين لي
لميس تسّدحت على السرير بدون لحاف وهي تغمض عيونها : بنام يعيوني بتروحين ونرجعين تلاقيني نايمه
النجلا : تشوفين ان ماصحيتك وخليتك تقولين لي وش فيك غصب ماكون النجلا وطلعت ...
-
النجلا : وش فيك مناديني لعندك ومستعجلني
سيف لوى شفايفه : اختي واشتقت لها في شي؟
النجلا بطرف عين : علي انا سيفوه ..قولي وش تبي
سيف سحبها وجلسها قدامه وجلس يرتب الكلام بعلقه ثم نطق ببتسامه : ياقلبي انتي تعرفيني متقّدم لك رجال والنعم فيه سمعته طيبه واهله ناس نعرفهم وفيهم الخير ومايعيبهم شي
النَجلا زمت شفايفها : تعرف رايي بهالموضوع صح .. مابي اتزوج
سيف شد على يدها : وليش ماتتزوجين حضرتك مو من صغرك ... ياحبيبتي ذا رجال مايتفوّت مصلي مسمي ومحافظ على صلاته بالمسجد بآر بأهله ..
النجلا سكتت تنتظره يخلص ثم تتكلم ، وسيف يكمل مدح فيه واخر كلامه : والله ماينرفض رجال ينشرى ماينباع .. ونسبهم ينكسب و تعرفين الرجال ينشرى بفعوله والحمدلله رجال قول وفعل والكل يشهد عليه
النجلا كتمت عصبيتها ببتسامه : ومين هذا الي مانت قادر ترفضه ؟
سيف : تركي بن آل سبع خطبك مني اليوم مبدئياً وذا انتي موافقه بكره بيملك عليك
النجلا بصدمه : هذا الي صارلك ساعه تمدحه ! ، انت نسيت المشكله قديمه الي صارت وتعب ابوي بسببهم .. كيف فكّر يخطبني من بعد الي صار...اصلا ماتوقع ابوي يوافق
سيف : مشكله قديمه هذا انتي جاوبتي بنفسك وابوي قال المشكله بينه وبين الجدعبدالاله مماحد له دخل بالموضوع .. شوفيهم الحين سمنه عالعسل انحلت المشكله وكل واحد اخذ حقه ورجعو اصحاب واحباب لاتدخلين المواضيع ببعض تركي ماله دخل وابوي يحبه ويعامله كنه ولده ..
النجلا وهي تحاول تنهي الموضوع :تركي ولا غيره زواج ماني متزوجه والحين تروح له تخبره برفضي
سيف تنهد : لاتستعجلين انتي كبرتي وبسن زواج فكّري و كلميني بكره الصباح .. فكري زين رجال ومامنه منقود والصراحه ماودي ارفضه
النجلا وهي تدفه بعيد عنها : انا الي بتزوج مو انت .. المهم يصير خير .. قالت هالكلمه عشان يسكت وهي تكره فكرة الزواج وخصوصاً انه من آل سبع الي تمشكلو معه ابوها وتعب عليهم ورغم ذا تسامحو اما هي بقت بخاطرها من الموضوع بس هالشي ما أثر على صداقتها مع البنات ...
-
دخلت الغرفه وشافتها نايمه بدون لحاف و على الدرج حبوب منوم 'جاميسون' تنهدت مافي امل تصحى وراحت لها غطتها باللحاق وطفت الانوار وراحت لـ الغرفه الثانيه الي فيها البنات بس ..
-
هتّان بطفش : سهرتكم مافيها فعاليات .. تكفون سوو اي شي
رند : كل شي سويناه رقص ورقصنا لعب ولعبنا وسوالف وسولفنا وفلم وتابعناه وش باقي؟
هتّان: مدري اي شي بس مانجلس كذا
غيم بخوف وهمست: وش رايكم نطلع نتمشى؟
وردة فتحت عيونها :لا هيه خبله انتي .. وش طلعه بهالوقت متأخر الساعه 11 ونص..!!!
هتّان بحماس : الا الا والله...
