رِفال شهقت : عرفك يالخبله؟
هتّان رجعت شعرها بغرور : يعرف اني حفيدة آل سبع وهذا انا قلت له
رِفال صفقتها بخفيف : يالخبله بتفضحينا انتي؟ ليه تقولين
هتّان : يـ** ماقلت له بنت مين انا ولا اخت مين فقط يعرف اني حفيدته وبعدين ترا ليثـوه غاض البَصر مايعرِف بنات مين،بس تصدقون احسني مارتحت له وراه شي
روان قربت منها : ليه؟ سوا لك شي ؟؟؟؟
هتان رفعت راسها لسِقف بتفكير : لا مو كذا بس احس بشي مدري مدري معرف اوصف
وردة خَزتها وسكت .
غيم : طيب سـام وش صار عليه ؟
هتّان : الحمدلله بعض الكِسور وبتتعالج بيقعد اسبوعين عندي
غيم وسعت عيونها : و ليث ما عارض ؟
هتّان : عارض بس اقنعته بطريقتي
غيم ارتاحت : الحمدلله عدت على خير
روان بضحكه : احسن شي بيجي شهاب ومعه عوده يغنّي
رِفال : وعع مماحد عزمه ذا لايقط وجهه بس
غيم : وانتي وش دراك محد عزمه؟ وترا حاله حال الشباب اكيد عزيز قاله يجي
رَند : صحيح عزيز بيخّبره ميقدرون من دونه ، مُهم بنات جهزتوا اغرِاضكم؟
رِفال هزت راسها بـ لا : مالي خلق شي اوف،،بجهزهم بالليل
غيم : ونا نفسها
رَند : جهزوهم الآن احسن لكم على روآق وبدون استعجال اما بالليـل بتنحاسون وتنسون نص اغراضكم
هتّان : اي والله بقوم انا ' خَرجت وخرجو وراها البنات يتّجهزون ويرّيحون ساعتين ..
-
دخّل سيّارته داخل القَصر ورِكنها بالمكان المُخصص له ونزل منها وكان بيدخل لقصرهم الخـاص لكن لمَح الجد بـ بيت الشعر تنهد بتفكير وهو يحس براحـه من اول مُقابله معها وتوّجه له،دخل واقترب من جده ليرتمي بحضنه بدون حواجز وترددات فكـانت عِلاقتهم اكَثر من جد وحفيده،بل كانت اب وابنه رَغم المُشكال القَاسيه لكن حُبهم لبعض يتجاوز هالحدود حُب عـمـيـق صادق..شَد عليه الجد كاد يعتصر عِظامه بين يديه وهو يربت على ظَهره ..
تركي بنَدم من اعماق قلبه : السمـوحه يبـه سامحني الله يخليـك
الجد بأرتباك وبعثرة مشاعِر وبصوت عاطـفي وحنين جداً : مسموح ياوَلدي الله يسامحك دَنيا وآخره
تركي ببحـه من كتم دموعه : طَلبتك
الجد ابتسم : ونا عطيتك
تركي : دامك مَصر على النَجلا موافق لكن بشرط !
الجَد عقد حواجبه : الي هو؟
تركي طلع لسانه يبلل شفايفه : المَلفات السرّيه الي ماتسمح لأحد يلمسـهم حتى انا ! ، تعطيني أياهم
الجد بصدمه : لا ياتركي مالك شغل بالملفات شيل نظرك عنهم
تركي رفع ايده : براحتك أجل
الجد نزل راسه وحس انه تركي له غايه من الملفات : بعطيك اياهـم لكن اوعدني ما تفتحهم الا لم انا أخبرك
تركي عقد حواجبه بحيّره من الأمر لكن هز راسه : تم بس عطني اياهم ، يلا انا خارج ' قّبل راسه وخرج
~
