~
رند ببتسامه وراحه : امين يروحي اسعدتيني بكلامك والله
رِفال ضحكت : افا عليك موجودين نحن لراحه يعيـوني
رند : صايره رسميّه ماتنعرفين زين،بتـروحين المَزرعه يوم الخَميس ؟
رِفال : الكلام من الكبير مالنا مفر رايحين رايحـين
رند بحماس : عاد تدرين بنتسلى كثير مزرعه و النجلا و الخيول ياحـلو الأجواء والله رِفال بضحكة : احلا شي من الي قلتيـه الخيول ولا النجلا كل يوم شايفينها،وحشتنـي الخيول
رنـد : ايوا بس حسافـه انهينـا المقالب من بعد طيحَة نادر
رِفال ميلت شفايفها : رَقيق يقهِر ليه يغمى عليه ونحن ماحطينا كثير وماصار شي للـعيال بس هو
رند : انتي سَمعتي وَردة قالت شاكين بشي شكله مريض وهذا الي أثر عليه
رِفال : رحمتّه شوي بس يستاهل هو اساس المقلب الخايس ورديتها له
رند : ابد ماكو ماتحس بتأنيب ضمير ، يلا بس بروح اكمل اشغـالي
رِفال : نفس ماقلت لك انسيهم لاتمسعينهم
قفـلو من بعض ورِفال تَروشت وتجهّزت ونزلت تحت تفطِر
شـافت جراح وامها وابوها على الطاولة الفطور
رِفال قبلّتهم وهي تصبح عليهم وجلسّت تفطر،رَفعت راسها على صوت اخوهـا
جَراح : هيـه،انتو الي حاطين حبوب الأسهال صحيح؟
رِفال بتوتِر مَخفي : لا شدخلنـا
جراح بهدوء : هددتيـهم قدامـي اكيد سويتي لهم شي انتي ماتوقفين بدون ماترَجعينها لهم
رِفال : شفيك قلت لك مو انا
جَراح ضرب الطاوله بقوه : اعترفـي !
علي 'بوجراح':جــراح احترمنـي واحترم امـك
جراح نزل راسه : اسـف يبه ماحسيت بنفسي
علي : انتبـه لتصرفاتك هذي اختك مو مُجرِمه تحقق معها
جـراح وقف وهي يناظر بـ رِفال بغصب مكتوم : مقالبكم لبعض بتنهي حياتكم روان بغت تموت مختنقه و نادر بغمى يموت بسـ..'وقف وهم غمض عيونه ثواني وفتحها ' اوعديني تنهين المقالـب انتـي كبرتي مانتي بزر على هالسـوالف
رِفال بنفسها ' نادر يطيح عليهم وتنفجر فيني خير ' : وعد وعد
جراح اخذ اغراض وكان بيطلع وقفت امه معه : يايـمه لاتعبين نفسك
امـه ياسمين وهي دموعها بعيونها : انتبه لنفسك ياحبيبي
جراح ببتسامه قبّل راسها ويدّها وحضنها وابتعد : يـمه لاتنسيني من دعواتِك
ياسمين : الله يحفظك بعيونه الذي لآتنام،استودعتك الله حبيبي
علي بضحكة فخّر : كل مره نفس الكلام ، الله حافظك،روح لاتتأخر
جراح قبّل راسه : مع السلامـه يالغوآلي 'وخرج'
ياسمين وهي تطالع مقفاه التفت لها علي : لاتخافين انتي لاتنقصين من دعواتك وبأذن الله ماصايـر له شي
ياسمين وهو تتم من دعواتها ، رِفال لبست عبايتها وودعتهم وطلعت لـ جامعتـها
-
