النُجـلا بتذكير: في ممر بس غرفتي جنبها غرف الدكاتره المُقيمين
روان : عادي محد بيشكف سرّه اذا شفتيهم كشفوه انتي سكّتيهم بطريقتك او مثل ماقلت لك روحوا اماكن مو مشهورهه وان شاءالله مايصير لكم شي توكليّ ع الله
النجلا حضنتها مره ثانيه بضحكه : ريحتيني الله يسعدك
روان شدت عليها وهي تختم الحضن بضربة ظهر : امين ، زين قومي نروح للبنات عندهم فعاليات وهتانوه مسّويه جدول فعاليات
النجلا : بخليك تقولين لي سالفتك بس بعدين مابنسى' و رفعت جوالها تشوف الساعه وقفت ' وراي شغله بخلصها واجيكم باي
روان : لحظه وش شغلته؟
النجلا ماجاوبت وهي تمشي وتخليها تتحلطم وتتأفف وراها ..
-
لف على صوت يزن الي يناديه وشافه يركض له : نعم يزن نعم؟
يزن بتوتر : امم ماني عارف كيف اقولك
تركي بنفاذ صبر : يزن ترا ماني فاضي لهالحركات خلصني قول الي عندك
يزن وهو يحك جبهته : تذكر اليوم الي قالي فيه ابوي غير تخصصك؟
تركي عقد حواجبه : ايي ؟
يزن بلع ريقه بتوتر واخذ نفس : ونا افكر وش اختار التخصص خطرت فبالي فكره اقدم على دراسه بكَندا بتهور سجلت وقبلوني والصراحه ماني نادم وودي اكمل دراستي برا
تركي يناظر يزن بصدمه ومانطق ولا حرف ..
يزن بخوف : تركي قول شي لاتخليني محترّق
تركي بغصه وهو يعرف شعور الغربه حق المّعرفه : وش تبيني اقول ؟
يزن : اي شيي
تركي تنهد : الله يوفقك بس ياخوي انا مجّرب شعور الغربه والبعد عن اهلك شعور ثقيل عالقلب وبلد غريب وزود عالغربه هموم الدِراسه وكرف وتضحيات،و تبيني اكمل ولا يكفي؟
يزن : تركي تكفى ابيك تكون عون بتصيرلي فرعون؟ياخوي ابيك تساعدني اقنع ابوي لانه اكيد ماراح يوافق
تركي : دامك عارف مابيوافق وش حقه تقّدم؟ليه تتهور
يزن : صار الموضوع وخلاص انقبلت،بتساعدني ولا ؟
~
