دَخلّو مَجلسّهم وجلّسو على الكَنب والي على الارض من التَعب وَردة شافتهم وبضحكه : جاييـن من حرب ؟ وش حالتكم ذي
هتّان : شِغل شِغل .. على طاري حرب،وش صار للـعيال ؟
رِفال ضحكت : ماتـو شكلهم مالِهم حس
وَردة بحزن : فال الله ولا فالك، نادر اغمى عليـه ووودوه المستشفى ويقول عمي بيسوون له بعض الفُحوصات شاكين بشي وبعدين بيخّرجونه
البنات انصـدمو لانه ماسمعو بالي صار
روان : قلت انا بيصير شي قللتت ،مقلبكم زي وجِهكم
غيـم والي كانت حاضره الموقف : ايي عورّني قلبي على اخوي تخيلو صرخ صرخـه ارعبتنا بعدها اغمى عليه والغبّي غيث يقول مات طاح قَلبي
رِفال : ماحطينا كثير شدعوه حساس اخوك
غيم: تكفين رِفالوه ندمي قد شعر راسي لم شفته بهالحاله خلاص يكفي مقالب تضررنا بما يَكفي
هتّان : يعمري نادر بيقّعد بالمستشفى يومين!
غيم هزت راسها : يقولو شاكين بشي بيتأكدون
هتّان : الله يشفيه
رِفال: قومو نزوره
وردة : خبله انتي؟ذي الي يقول اقتل القتيل وامشي بجانزته خبله
غيـم:انا ونا اختـه مالي وجه ازوره بس بروح لايشّكون فينا
رِفال : مع نفسهم يشكون مو خايفين منهم !
هتّان : صوري شكله امانه وهو طريّح الفِراش بشوف يستاهل ولا مايستاهل
وردة وسعّت عيونها وهو تضربهم :ياحبكم لشّماته موزين ترا مو زين
غيم : يالخايسين ترا اخوي مارضى وش مسوي لكم
رِفال : اي نكري نكري فعايله ماتنعد ولا تُذكر وخرّي بس
-
❖ المُستشفى ❖
بعد ماقفلّ الاتصال والي هو يطمنهم عن نادر وقال لهم انه بيضل تحت المراقبه الليل وبيطلع وبعدها
دَخل بوصقر الغرفه ووجه مايبشّر بالخير : طلعو خلونا لحالنا
صقر عقد حواجبه : يبّه ! فيه شي ؟
فيصل : قلت طلعو !!
صقر تنهد : يلا عزيز 'خرجو'
بوصقر حط ايده على جبينه : كيف حالك الحين،بخير؟
نادر بصوت مبحوح وتعبان : بخيـ ر
بوصقر وهو مركز نظره على نادر ويبغى يشوف هل كان عنده علم ولا : الدكتور يقول بيسوون لك تحاليل شاكين بشي
نـادر صد عنه : أكد له مايحـ تاج يسوي تحاليـ ل
بوصقر بحرّقه وتأكد : لييـه ؟ ليه ماخبرت احد ؟ ليه ماخبرتني،لو صار لك شي لو اغمى عليك لو تعبت ومحد معّاك ؟ تبي تمّوت نفسك تبي تجيك الحاله ومحد يعرف يتصرف؟
نـادر ودموعه متجمّعه بعيونه : مافينـ ي شي
بوصقر بصراخ : وش مافيك شيي!!!!! ناادر لاتجننني
نادر بهمس : آسف
بوصقر غمض عيونه وتنهد بقوه : لازم نخبّرهم عشان يكونون حولك
نادر لف بقوه : لا يبه تكفـى مابـ ي احد يعـرف
بوصقر : لو تَعبت لو اغمى عليك؟مابيعرفون يتصّرفون اذا مايعرفون الي فيك
نادر بتعّب وهو يبلل شفايفه : مابي احد يعرف انا اتوّلى أمـر نفسي،و جرّاح يعرف
بوصقر : وجراح يعرف ! لا ماقصرت تخبر ولد عمك وتترك ابوك مايعلم بالي فيك وبعدين جراح اغلب يومه بِشغله
نادر بتعب : يبه
بوصقر حط ايده على كتفه : طيب خلاص ارتاح
,
❖ صـقر ❖
كان واقف خلف الباب بَشوّي وهو ينتظر ابوه يخّرج ويخبّره وش فيه اخوه،وَلده،لمن تخللت محبته داخل أعماقـه فقد كان له مثل الأبن و شرِيك همومه ، وعضيده واخو الوحيدّالي يخاف عليه من اي شي
~
