النجـلا : تثَبـت بصاحبك ولاتفرط فيه فـ هو ماراح يتركك ابد واضح معدّنه من مواقفه وياك ، من طفولتك صحيح؟
تركـي هز راسه : صديق طفولتي ودراستـي وحياتـي حتى علاقـه عشرة عمر ! مهمـا تكلمت ما اوصِفه
النجـلا ابتسمت : بحسب مافهمت مافـي مشكله بطفولتك !
تركي ميل شفـايفه على جنب وهي ضربّته من الوتَر : تسألين ليـه جيت لك صحيح؟ .. انا سويـت شي .. ' بدا يحس بحـراره بجسمه ' النَجلا بنفسها ' وش سوا لدرجه يحمّر !' .. ' تلفت تركي يمين ويسار وهو يفك اللثمـه ويحـاول يتنّفس ثم رفع ايده يمسح دموعه بوسط نظرات النجـلا الي تحـلله '
النجـلا رفعت حواجبهـا بصدمه ' هو يبكي !!' غمضت عيونهـا ثواني وفتحتهـا تنتظـره يكـمل ..
تُركـي انحـى راسه : تكفين يـ دكتوره النجلا لاتعيبين علي ! قلت لـ ليث مابـروح لطبيب ،وش فيه ليه تصّر لهدرجـه !
النجـلا بنفسهـا ' من بداية الجَلسه وهو مانطّق اسمي ، والان نطقها؟ اخيرا ارتاح و بدا يكشف نفسه ' : وليـه ذا سيء لهدرجه؟ شوف ياتركي نتكـلم بطريقه حلوه ومُريحة، بس واضِح ماشـاركت لأي شخص غير ليث الي شِهد كل شي، والحين تلقَى صعوبه شوي بترتاح
تركي صمت ونزل عيونه وهو يلعب بالرمل والنجلا تراقبه بصمت وهدوء مثله ..
قاطع صمتهم رنّت جوال النَجلا ، رفعته لأذنها : هـلا،؟
هتّان بسرعه : النجلا تعالي بسرعه لـ المجلس الصغير
النجَلا وقفت بخوف : شفيك ؟
هتّان وعيونها على ايد شاد وبتركيز : شاد جرح يدّه من الكوع للمعصم لقطت الزجاج الي بطرّف الجلد لكن تعالي اكشفي عليه ممكن في زجاج مدفون تحت الجلد و يحتاج لتدخلك
النجلا قفّلت منها وهي تنفض التراب،سألها تركي : انتهينا ؟
النجلا : ايوا لنا لقاء ثاني ان شاءالله،بروح الحين
تركي : صاير شي ؟
النجلا مشت وتركي وراهـا : مدري بروح اشوف
تركي وصار جنبهـا : الصراحه توّقعت بأشياء ثانيه بس لم جلست معاك تغيّرت افكاري
النجـلا: ليه؟وش فكرت فيه ؟
تركي : يعني قلت خلّص كلام ابوي وليث والباقي ،والحين بسمّع نصايح الطبيبه وكلام غييير وكذا ... ظلمتك
النـجلا هزت راسها : صحيح حتى انا بفّكر مثلك لو بمكانك
تركي : والله ليث بيتفاجأ مره انه بستمِر ... صح وش بتقولين له ؟
النَجـلا : بقولـه يتطمن ماصاير شي والباقي اسرار صحيح؟
تركي ابتسم بتفكير من الي طرى بباله:اثق فيك
-
