❖ عند سيف واهـله ❖
وقف عند مَقهى السبعِينات وناظر جدته ببتسامه : هذا هو المُكان فيه تفاصيل قديمه وحُلوه ، عِندهم شاي وقهوه ونواشف انزلو
نزلو وراه ودخِلو تلفتو بأنبهار على المكان كان صغير ومُبهر واهم تفاصيله 'الجميله' قليل بحقها قعدو وسيف يطلب لهم شاي الوَرد وكيكة التَمِر و البسبوسه " لفو يمين شوفوه يَهبل "•
-
❖ بـ المسبح عند البـنات ❖
رِفال بستغراب وتسأل : الماي شفيه كل شوي ينقص !!
روان ضحكت : من قفزات هتانوه الي كل شوي تناقز طلع الماي برا المسبح
هتّان رشت عليها : الي يسمعك مانقزتي انتي بعد
وردة : لا جد الماي كل شويه ينقص اكثر
رند وهي تشوف مضخ الماي طافي : مقفل !
غيم شهقت : اكيد العيال مطفينه النذلين بروح اشغلها من جديد ' وطلعت من المسبح وحطت عليها الفوطه واتجهت للـباب والصدمه ! : حتى الباب مقفل !
بهتت ملامحهم الحركه تقهر وتخوف بنفس الوقت !
رِفال بهدوء : ثنتين يحاولون يفتحون الباب وصارخو اي شي يسمعونكم و الباقي نجدد ملابسنا لا نبرِد اكثر وبعدين نتبادل هم يروحون يلبسون !
طلعوا يلّبسون ملابسهم 'بغرفة التبدّيل ' و روان و رند يحاولون يفتحون الباب وهم يدفوّنه ويحاولون يكسّرونه
رنـد بصراخ : افتـــحـو البـــااااب !! صــقر تسمعـني؟ فـي احد يسـععــننييي
روان وهي تحس نفسها ينقطع : افتحو احـس بخنـ قه!
وبدت تكح،جلست بكل حيلها على الارض تحاول تاخذ نَفس و رَند صرخت بخوف : رواااااان
طلعو البنات بسرعه واتجهت رِفال لها والباقي وقفو بعيد لايقطعون عنها الاكسجين
رِفال بخوف وهدوء بنفس الوقت : خذي نفس خذي نفس اهـدي
كان روان تحاول تاخد نفس لكن ماهي قـادره وصوت شهقاتها و صفير صدرها ينسمع
رَند ناطرت هتّان وبصراخ : وين بـخاخها بتموت !!!
هتّان بكت وهزت كتوفها : ماخذته ماخذته بغرفتها
وردة بكت معها وكملت تصرخ وتضرب الباب : تكفون فتحو الباب رووااانن بتتموووتتت !!!!!!
لكن محد يسمعهم والسبب البركه مُغلقه وبأخر قصرهم بزاويه من سابع المُستحيلات يسمعونهم
~
