الدكتور ناظرها بتفكير ثم اردّف لها حالة تُركي بالكامِل!: ونا بـرايي اوصيك انتي طبيبته النفسيه
النجَلا بصدمه : استاذ هو قال يبي طبيب مش طبيبه مقدر انا
الدكتور: وش يفرّق؟ وهذي مهنتك نفذيها على اكمل وجه لابد يجيك مريض ومريضه انثى وذَكر مش دايم بتجيك انثى ! .
النَجلا: بس قلت طبيب سرّي خاص فيه يعني كل اهتمامي وشغلي فيه !
الدكتور : وغير كذا انتي بتروحين بنفسك بيته الخاص او ممكن مكان خاص يعني بتلازمينه طول يومك .
النَجلا بصدمه ' لا مو معقوله وين عايشين احنا ! اول مره بحياتي اسمع كذا وهو يأمرني بشكل غير مباشر !' تنهدت : عطني وَقت افكر فيه
الدكتور سنّد جسده على الكرسي ومرر يده على لحيته : بكره الصباح تعطيني موافقتك !
النَجلا بضيق : بشوف مريضتي 'اخذت دفتر مُلاحظاتها وخرجت ' .
-
❖ بـ بيت الشّعر المتواجد فيه فقط الجد و بوتركي ❖
بوتـركي: اقترح ليث يروح يتعّالج ونا قلت يكون الموضوع سرّي وتو مكلمني الدكتور حكيم بن فيصل يوّصي بأحدى طالِباته متقّدمه على الباقي
الجد عبدالاله : بنت يعني !
بوتركي عقد حواجبه : اي فيها شي ؟
الجد عبدالاله :وش مافيها ! انت صاحي تبي تدخل وتطلع بنت من بيته تركي! لو بالمُستشفى ماقلت شي بس بيت ولحّالهم !
بوتركي غمض عيونه من تفكير ابوه لثواني وفتحها : احسن دكتور بهالدِيره واحسن طالبه عنده هي بتعالجه وهو بيّركز بعِلاجه تركي قلبه ميّت من الخيانه و الخَذلان ماراح يطالعها بعِين زايغه !
الجد : اثنين وثالثهم الشيطان يابوتركي لاتَخدع نفسك بهالكلام بس عشان يتعالج ! ، بلاها من عِلاج ياخذ إجازه ويسافر يتعالج عن دكتور ولا هالحركات الي فيها مشاكل وتشوِيه سُمعه
بوتَركي : تركي ماراح يوافق اساساً هو مو مقتنع بالعِلاج بس اصرار منا بيقابلها ان ارتاح بكمل معها مارتاح مابيكمل يايبه ان ماتعالج بأسرع وقت ولا هالمُشكله ماراح تنحل وبيصير مُجرم مش دايم بنكون جَنبه
الجد بتفكير :اذا بيريّحك انه يتعالج ، انا اقول يَتزوجها ان كانت بنت ناس وعايله مَعروفه ليه لا ؟ وتُركي بيّطق الثلاثين وللحين ماتزوج
بوتركي بصـدمه من قرار ابوه الي عطول ربط الموضوع بزواج : يـبه منجدك !
الجد بعصبيّه:وهالموضوع فيه مزح؟ قلت كلامي يا انه يتزوج او يترك شغله ويسافر
بوتركي : يبه انت تدري رايي تُركي بهالموضوع كيف يتزوج وهو توه طالع من عِلاقه مُره ! ماراح يوافق لا على الزواج ولا على السفر ! هو يحب شَغله الي لدرجه عصّاني وعصّاك عشان هالشغّل ! الله يرضالي عليك يايبه لاتوقف بطريقي
الجد رفع يده : انتهى نِقاش يابوتركي
~
