9:30 مساءً
في مركز الأمن تحديدّا غرفة المُحقق جراح كان باله مشغول بقضية 'مجهوله' ويفكر كيف يحلها وقدامه الخَريطه لتخطيط لكن قاطع تفكيره دق الباب رَفع راسه : تفضل
دخل الضابط فهد و وِضع فلاش على الطَاوله : دَققنا بفيديوهات الكاميرا ومالقينا شي غير وجهه وكان مو واضح و لابس قناع
جراح هز راسه : مع ذلك انا بدقق اكثر
الضابط فهد هز راسه بموافقه : تآمرني على شي ثاني؟
جراح رفع ايده للحيته وبتفكير : اشتغلو بتنسيق مع كل الوحدات
الضابط فهد : تآمر طال عَمرك ' وخرج ' اما جراح كمل تخطيط على الخريطه ..
~
ببيت الشعر كان موجود فيه العيال فقط .
نادر نط بوسط الجَلسه : شباب عندي فكره خُنفشاريه تغير مودكم
عزيز صفقه ع راسه : اعقل اعقل يولد
نادر حك راسه : جزاتي بغير مودكم التعّبان ذا؟
يزن بضحكه : معليك يانادر انا خويك قولي وش فكرتك؟
نادر ضربه على ظهره : كفوو خويي والله،من ياخوينا؟
شاد نط جنب نادر : معكم معكم للموت
نادر : هلاا والله خوينا حِلو بعد مين يزيد؟
عزيز وهو حاط يده على راسه بتفكير : معاكم خنشوف وين بتودينا يا الداهيه
نادر ضحك : ماني بمسوي شي بس بعدل مزاجكم كل واحد على بيته ياخذ ملابسه وفوطته ويلحقني المسبح بنسبح وبروح انا اقول لخدامتنا تجهز لنا اكل وعصاير تضبطنا بالمسبح
عزيز : اييه بس هذي نيتك اجل يلا قدام ونا بتصل على شهاب خويي يجي يسوي لنا جو مع صوته
وتفرقوا كل واحد على بيته يجهزون للمسبح
~
في غزفة النَجلا فزت على صوت الباب الي انفتح بدفاشه وصفق بالجدار قبل تستوعب الي صار طارت النعّله على راسها الي تفادتها لميس وضربت براس النجلا شهقت : ووجعععع براسك ي سيفووه
سيف ضحك : بالغلط يختي بالغلط ' والتفت على لميس يجرها من ملابسها ' روحي رتبي غرفتي مثل مابعثرتيها واستعجلي عشان بنطلع ولا والله ..
قبل يكمل قاطعتها لميس بسرعه:رايحه رايحه والله ماتطلعون بدوني
النـجلا : ستووووب وراسي اناا؟
لميس قبل تحط رجلها استعدادًا لنَحشه : سيفوه ضربك هو يبوس راسك 'وانحاشت'هربت.
النـجلا التفتت على سيف الي بحركه سريعه باس راسها : متعود على تقبيل الراس اسفف ويلا قومي جهزي بطلعكم
النَجـلا بخمول: ماني بفاضيه
سيف : شعندك؟
النجـلا : بكمل نوم وراي دوام مُتعب بكرا
سيف بترجي : تكفين عاد كافي جدتي متضايقه قومي نغير جوها
النَجلا:عشان جدتي ترا ولا مالي خلق
سيف ابتسم : المهم بتجين معنا هذا كافي 'وخرج'
~
#ان_كنت_بايعني_ونا_قبل_شاريك
