رفَعت جوالها على صوت اتصال من صديقتها : يالنفسيـة انتـي وينك مختفيه من بعد المستشفى ماشفناك ؟
وَصلها صوت النَجلا الي تنهدت بقوه : آه لو تدرين وش صار
هتّان تعدلت بجلستها : وش صـار شفيك؟
النَجـلا : بَلغي البنات نلتقي بعد نص ساعه بالمقهى بخبّركم جمـاعي
هتّان : تممام،انتبهي لنفسك
النَجلا: وانتِ بعد ياروحي
قَفلت منها ونزلت تخبّر امها الي كان حولها اخوانها يهدونّها ويقنعونها ،استغربت وراحت لأمها
هتّان : يمـه شفيك ؟
ام تركي وهي مَنحرقة على ولدها : جدك بيزوج تركي غصباً عنـه وابوك ساكت
هتّان توسعت عيونها وقفت : ايـش !! ' وبصوت شبه عالي ' سلامات جدي فقد عقله ؟؟ بيزوجه بالغصب والله ظلم وحرام عليهم هقـوتي بيقلب الدنيا فوق راسكم وقولو هتان ماقالت !
عزيز رَمقها بنظره وأشر لها تجلس وتسكت
هتّان وهي تهز رجلها من القهر : تركـي وش سوا ؟
شـاد بهمس : سمعت جدي يقول لو يشد حيله بيضربني يعني بختصار وَلع ترييك ولم شَفته دخل علينا عيونه تَطلع نار وشِرار
هتّان: بس بس وجع شهالوصف شكلك تبيه يحرقك،المهم وينه ؟
شاد : بـ جناحه،وش بتسوين؟
هتّان:وش عليك التفت لشغلك يالاخباريـة
,
دَقت الباب بخفّه ورجعت على ورا ماسمعت رد دقت مره ثانيه،
هتًان : تركي انا هتّان بكلمك ضروري ' ماسمعت رد فتحت الباب بهدوء تلفتت وشافته مَرّيح جسمه على الكنبه ويده على راسه ومغمض عيونه '
تركي حس فيها وبدون لا يفتح عيونه ببحه : طلعي برا
هتّان تجاهلت وجلست جنبه : تعبـان؟
تركي وهو يدلّك راسه : مصّدع ، وش تبين ؟
هتان : بجيبلك اكٰل وبنادول انت كذا لانك ماكلت شي
تركي : مابي شي خليني بحالي
هتّان:لاتسوي بنفسك كذا ارحم نفسك
تركي بجمود : مارحموني عشان ارحم نفسي
هتّان: كل شي قِسمه ونصيب مافي شي اسمه اجباري يمكن البنت نصيبك وتغير حياتك
تركي : لا اجباري انا مو راضي اجببـاري،تمنيتها لـي ياهتان تمنيتها هي زوجتي
هتّان :يَبقى النصيب اقوى من الحب ياتركي،قلـي مين الي بيزوجونك اياهـا؟
تركي : النَجلا دكتـوره
هتّان شهقت بصوت عالي : النَجلا آل غيث بنت خَليفه ؟ حفيدة صديق جدي !
تركي وهى يضغط على راسه وبرزت عروقه : ماعرفها بس اسمها ولا تساءلت من هي
هتّان بغباء : ماتعرف البنت الي بتتزوجها ؟
تركـي بعصبيه وقـف وكان بيتكلم لكن داهمته دوخـه وتمّسك بالكنب
هتّان وقف بسرعه وبخـوف : تركي
تركي غمض عيونه ثواني وفتحها والتفت عليها : طلعي لاتعصبيني اكثر
هتّان بهدوء : ارتاح ونا بجيب لك شي تاكله ' ماخلت له مجال يعارض وخرجت '
وتركي يردد ' ليلـة زفاقك هي شهادة موتك على يدي '
~
