النجـلا بصوت عالي وتحاول تحرر جسدها المربوط بالحبل ويدها خلف ظهرها : تــخــسـي كـــذاااب مستحيل يكون الي بالمقطع ابــوي و عمي عبدالاله فاهم مستـحييـــل
ابتسم بخبث وهو يدخل الجوال بجيبه ويسحب الكرسي ويجلس قدامها : قبل شوي ماكان فيك حيل ترفعين راسك كنتي مثل الريشه ماتحركين ويش الي صحّاك كذا وطول لسانك
النُجـلا : صحّاني واحد مجرم وخسيِس جالس قدامي
ضرب الجدار الي جنبه بقبضة يده : احترمي نفسك وتكلمي عدل المجرم شفتيه توّك بعينك ولا ماتثقين بعينك بعد
النجـلا : اثق بـ ابوي كثر ثقتي انك جالس قدامي ' صرخت ' الفيديو مفربك مستحيل يكون حقيقي ي مُحترم
وقف وتجاهل كلامها الي مختلط بسخريه وهو ييدف الكرسي لورا بطرف رجله ويقرب لوجهها : انا طالع اشوف المزز على ماتفكرين وتكحلين عيونك الحلوه بالفيديو
النجلا تفلت بوجهه وهي حقدها يزيد : حـقــير ! والله لتتطورط بخطفك لنا
غمض عيونه وفتحها وهو يمسك فكها بقسـوة الكون كله : كلي تبن وانكتمي لا اسمع لك صوت وهذي والله ماعديها لك ' تركها بقوه لدرجه وجها لف الجهه الثانيه ' وخرج وهو يوصي الحرّاس الي امام الباب وراح للغرفه الثانيه
الي كان بداخلها باقي البنات شافهم لسى ماصحو جلس براحه على الكرسي الي بالزاويه لتوضح له كلهم ويراقبهم بصمت وبداخله ' يارب سامحني اعرف مالهم ذنب لكن من نار قلبي بسبب المنظمة ، اوعدكم ماحد يلمسكم غيري '
صحّت غيِم وهي تحس براسها صداع وجسمها ماتقدر تحركه ! فتحت عيونها بفزع وهي تناظر نفسها وتناظر البنات الي جنبها : وش صاير وين احنا ؟ مين ربطنـا ' دمعت ودب الرعب بقلبها على الي طاحت عيونها بالزاويه وهي تشوف الشخص شكله وجلسته ونظراته كافيه لتحس بالوضع الي هم فيه ' ارتجفت وهي تهمس بصوت متقطع : بـ بـنات اصحّو ر رنـ د ... وردة
اما بالنسبه لشخص كان يراقبها بصمت وده يهديهـا ووده يطمنها لكن بيكون هذا الشي مو من صالحه ولا من صالحهم خصوصـا مش لحالهم بالغرفه والكاميرات بكل زاويه من الغرفه ..
صحوا البنات وهم يناظرون المكان حولهم وكيف مربطين ويسترجعون كيف انحاشو من المزرعه لـ خطفهم كان قصدهم يطلعون يستمتعون لكن طاحوا بيد الي مايخافون الله ....
ريفـال ناظرتهم وشهقت : بنات النجلا وينها ؟
الشخص : وليه تسألين البنات سأليني كاني موجود ولا باقي ماصحصحتو ؟ 'صرخ ' ماراح تتحركون من مكانكم الا لم ننتهي من صديقتكم ادعو انها توافق على الامر ولا ودعّو حياتكم
رِيفال وهي تهز جسدها و الكرسي يهتز معها : كيف بنتحرك بالله وانت مربطنا ياغبي ؟ 'صرخت'ويينننــهــا وين وديتوهـا النجــلا
الشخص بدون مبالاه : لايطق فيك عرق مشغوله الحين هي تشوف حياتكم ولا حياة زوجهـا ' ومشى وخلاهم ملجمين من كلمته ' ..
وردة : ز زوجهـا؟ فهمتو شي ؟
ريفال وهي تحك مكان الكف الي جاها من الواقف الحارس عشان تثبت بمكانها ؛ اح جعله الكسر ، زوجها مين شفيه هذا
غيم بكت : مدري مافهمت شي ولا ابي افهم ابيي اطلع من هنا
رنـد الي كانت تتصارع مع الآلام بطنها : بنات تكفون بموتت بطني
هتّان شهقت : تكفين نسينّاك انتي حامل، لايصير فيكم شي لااا
ريفال صرخت عشان الي برى يسمعونها : ياكلاب ياعديمين الضمير ع الاقل هي رجعّوها
وردة : رنود تكفين تحملّي شوي
رند ودموعها شلآل : لايصير فيه شي تكفون باقي مافرحت فيه
رِيفال وهي تحاول تحرك الكرسي جهة هتّان : لاتخافين بحاول اطلعك من هنا
رند انهارت : كيف بتطلعيني واحنا مربطين .. وشوفي الكاميرات بكل زاويه
رِيفال وماهمها شي الا انها تنقذ اختهـا : اهدي وثقي فيني صبببر
هتّان وهي تشوفها بتصير ورا ظهرهـا شقهت بخوف : وش بتسوين ؟
رِيفال : بخليك تفكين حبال يدي !!
هتّان بخوف : لا يامجنونه في كاميرات والله ليقتلونا
رِيفال بعصبيه : كذا ولا كذا بيقتلونا عالاقل نكون جاهدنـا نطلع من هنا لاتستسلمون
هتّان خايفه لكن ريفال صادقه بكل كلمه تقولها : يلا طيب وين يدك
ريفال رجعت لورا اكثر ليصير ظهرهم متعاكس وتلامست اياديهم ببعض خلف ظهرهم،هتَان تحاول تبذل مجهودهـا
ريِفال : بسـرعه .....
