روان ببتسامه : يعني اعلنتو الحَرب !
ماهي الا ثواني ودخلت جدتُهم بعكازتها ووراها الخدامه وبيدها الصينيه ، جلست الجَدة جنبها وقومتها من حضن وَردة.
الجَدة:سمي يايمه وشربيها الشوربه وتقومين مثل الحصان
هتّان ضحكت : هي مثل الحصان تنقز ياجده مافيها الا عافيه
الجَدة وهي ترفع عصاتها وتأشر عليهـا : ان تعبتي بنتي كسرت هالعصى على راسك
هتّان وسعّت عيونها : جده شفيك ماقلت شي والله !
الجَدة رَمقتها بنظره وقامت وخلت لهم المكان .
رِفال شقهت وبصراخ : بـــنــااااااااتتتت
فزو والتفتو عليها البنات : شـفـيـك !!!
رِيفال : لقيـت خطه !
وَردة : بسـم الله بهالسرعـه لقيتـي خطه !
رنـد بضحكه : عشان كذا ساكتـه طول هالوقت
روان : الله يسـتر من خطتك الشرانيـة مُجرمه !
هتّـان صفقت يدينها ببعض وبحماس : اقول سكتـوا انتو،قولي قولـي
رِفال ببتسامه عريضه وخبث : سمعت نادر اـ** وهو يقول لجدي بيسهرون اليوم بالليل في بيت الشعر وطلبو اكل ومشروبات وحركات وكذا خطتنا هنا ياروحي يخيّمون بالحمام
روان وسعّت عيونها : ياغبيه وش بتسوين !!
هتّان ضحكت : كفو تربيتي بنتي حلو والخطه بسيطه وجميله اصلا ولا شي من الي سووه هم
وردة : لا تكفين تبين كلهم يتسّدحون بالمشافي !
رِفال رجعّت خصلات شعرها لورا اذنها : اي
روان: اجــرام ياخـ*** !
رَند وهي تفتّح علبة الكودرد وتشرب رَشفة: نسويها يعني نسويها مابيموتون !
-
تركـي وهو مَشغول بـاله بـ الي اسمها النَجلا ! طبيبته النفسيه ياتُرى بتوافق على العرض؟ اي بتوافق لاتستهبل تركي ذي مهنتها غصباً عنَها توافق،كان يفّكر وهو ماسك عود ويحكّه بالارض قاطعه تفكيره جيت الشباب رفع راسه وسلمو على بعض الي بالخد والي بالخشم والي بالاشاره ثم جلّسو وهم يفحصون ملامح تركي الي كانت خاليه من اي تعابير !
عزيز ابتسم ابتسامه خفيفه :ياخوي كل الي فات ماقسمت لك وتاهت،ان شاءالله انك بأحسن حال ؟
تركي وهو باقي على ملامح خاليه : الحمدلله
شـاد الي اخر واحد وصل لهم وشاف تَركي وسـع عيونه بقوه وبصراخ : تـــركــــي'حط ايده على شماغه ورفع صوبه وركض وب تركي وضمة بقوة لدرجه تركي حط ايده وراه يتماسك لايطيحون'
تركي: يحـ** بنطيح بنطيح
شاد بفرحه من اعمـاق قلبه:مابغينا نشـوفك وحشتني ياشيـخ !! ' ورجع حضنه بقوه'
تركي وهو يحاول يبعده بس انتبه لنظرات ليث وشد على شاد:مايوحشك غالي تراني معاكم بالبيت !!
نادر ضحك على وضعهم وهو يبعد شاد عنه : محسسني تركي مهاجر استعدل يولد بتخنقه !
شاد بتذكير : نسيت اقول البشاره (:
جراح بسرعه:ليت خالتي سمته بشّار هو وجـهه !!!
