❖ اذا يوم جديد بدأ بهدوء وانفس مفتوحه ومغمورين براحه وهواء نظيف انعشهـم وشرّح صدورهم ❖
رفس الكيرم بطرف صبع رجله وهو يقوم : توّكلو عندي شغل
يزن وهو يمسك رجله : اجلس ياولد كمّل اللعبه مابعد ننتهي
تركي وهو يحاول يبعده : وخر عندي شغل ' وناظر البنات بالجهه الثانيه واشر ' هتّان القلب تعالي كملي معهم
ليث : لا خير نبي رجال !
تركي رفع حاجب : أخت رجال وتعرف كيف تكسر رايك و تعرف تلعب ولا ياهتّان ؟
هتّان بحقد لـ ليث : ابد والله ماخيّب ظنك ' وراحت جلست مكان تركي '
جراح : مافي تعادل كذا،رِفال أنزلي مكانـي
رِفال قامت بحماس صفقت يده : ابد نفس اخت رجال انا واقوى يقالك يتحدوني
هتّان غمزت : نشـوف
يزن بتوتر وقف : نادر انزل مكاني عندي شغله مع تركي ' ومشى بسرعه يلحق تركي '
نادر فتح عيونه : لايكون خاف من الخفيفات ؟؟
رِفال وهتّان ناظروه بحقد وغضب ، والتفت شاف نظراتهم وابتسم بغباء وراح مكان
نادر : انا وهتّان فريق و ليث ورِفال فريق
رِفال وهي تاخذ المضّرب وتعطيه الجد : جدي اضرب ولا اوصيك تشوف غش اضربه على يده وحيّلك فيه
الجد بضحكه : ابد لاتشيلين هم يصحّى و يشوف يده مكسوره
رِفال غمزت له : يافهمني تؤبرني
شاد : لاتتغزلين فيه قدام جدتي شوفيها شوي وتقوم تجلدك
رِفال لفت وشافت الجده تهز بعصاها كنوع من التهديد : ماقالت شي،شوفي جدي يناظرك بحب اصلا ماسمعني ' واسرّعت تجلس مكانها '
مسك الجد المّضرب وضربه بوسط الكيرم وتعالت اصواتهم وضحكهم ومشاجرتهم والجد يضرب بهذا وهذا حتى لو ماسوى شي
-
كانت متمـدده على الكنب وراسهـا بحضن النَجلا وكل وحده وتفكيرهـا مشغول،النجلا بتركي وكيف بتعالجه بسريّه !،و روان بنظرات شهاب وقصيدتـه..تنهدو مع بعض ورفعت روان عيونها لـ النجلا ..
روان : شفيك ؟
النجلا زمت شفايفها : ودي استقيل
روان شهقت وجلست امامها : توَ بالبدايه وتعبتي بتستقلين؟
النجلا : لا ماتعبت بس اخر حاله الي جتني متخوّفه منها وش لانه من عائله مشهوره يكون الامر سرّي ولا بعد انا الي اروح له سلامات؟
روان : هذا طبيعة عملك،ومافيه عمل يخلو من العثرات و الصعوبه وانتي توك بالبدايه بتستقلين عشان حالة وطلب منك انها تكون سرّيه؟خلاص نفذي الي عليك وأديه بشكل مُخلص وذا على انك تروحين له وتخافين تكونون لوحدكم،حاولي تقنعين مُديرك يكون بغرفتك واوعديه محد بيكشفه
النجلا بأنبهار حضنتها : يروححيي والله فكره بس كيف محد بيكشفه والصحافه و الممرضات كلهم يعرفونه اكيد بيشوفونه كل اسبوع بيدخل
روان بتفكير: مافي مخرّج طورائ يطلعه على غرفتك(الغرفه الي بالمستشفى)؟ او حتى مو ضروري الجلسه تكون داخل المستشفى!
النجلا بتذكير : ...
~
