وَردة : عن نفسي شنطتي خفيفه واغراضي قليل ' وسحبت عليهم
رِكض لهُم صَقر وهو يوقف جنب رَند ويناظرهم : فطرتوا ؟
هتّان بحزن : تكفى لا مصحيّنا من صباح الله ومامِدانا نفطِر
غيم : لا ياخوي ودنا نفطِر
صقر وهو يمد لهم فطور : فطري بالسياره مافي مطاعم مانبي نتأخر وانتبهي توصخينها
غيم بطرف عين : بزر انا اوصخها؟ ،ياشينك يالنحيّس
رند ضربتها بخفيف على راسها قبل صقر : عيب اخوك
صقر قبّل يدها : تسلم هاليد وصاحبها، ايوا عيب يابزر
غيم وسَعت عيونها : وعع والله ولا اجي معكم هتّان خذيني وياكم
هتّان سحبتها : يلا شيلي شنطتي وشنطتك ،ونا بشيل الاغراض الباقي
رِفال ناظرت حولها : باقي انا خلوني وراحو
-
لَميس دخلت المَطبخ وهي تشمشم الرَيحه : الله الله وش هالريحة الحلوه ' وناظرت حديقتهم الخَلفية المُريحة رغم بساطتها ' الفطور يششَهي
النَجلا وهي تَناظر الحليب لايفور : ايوا حبيبتي من يدلعّكم غيري ؟
لميس وهي تبوس خَدها : يسلم لي الأخت الي مدلعتنا
النجلا ابتسمت : ليه مو جاهزه لمدرستك؟؟
لميس وهي تاخذ قطعة خيار : بنروح الظَهر للـمزرعة من جِدك تبيني اداوم ؟ لا والله خليني مروِقة ومستانسه اني بغيب
النجلا ميلت شفايفها : اي مايضر براحتك،روحي جلسي ونا بناديهم
لميس مانتظرتها تخلص كلامه عطول جلست تاكل بدون انتظار احد،اما النجلا راحت تناديهـم
-
❖ بعد مرور من الوَقت ❖
الجَدة وَردة ببتسـامة : حي الله من جانا حياكم الله
ام تركي : هلا والله، حياكم تفضلو ' ولفت على البنات تأشر لهم يساعدونهم يدخلون الاغراض،وراحو البنات يساعدون '
هتّان ناظرت النجلا وصرخت : نجلووه ' وركضت حضنتها ' يالخايسه اشتقت لك
النجلا وسعت عيونها : كلها كم يوم ماشفتيني شدعوه
هتان : لو يمر يوم اشتاق لك
رِفال : الله لو انها حبيبك عاد وخري بس ' وسحبت النجلا وجلسوها '
لميس شهقت : ونا ماتشوفوني !
رند بضحكه وهي تسحبها وتجلسها جنبهم : ولاتزعلين انا اسحبك
لميس ضحكت : الحمدلله عطول بدون رسميات تكفون لاتخلوني استحي
النجلا : انتي تستحين؟ سم الله عليك حبيبتي
غيم : عادي عادي مانبي رسيمات اصلا فلّوها
النجلا : وش خَططتو فعاليات لـ اول يوم ؟
وَردة : العصر شاي وسوالف لاني من زمان ماسولفت مَعكم واحس ياكثر سوالفكم والليـل بيشـوّون الرِجال واحنا نجهز لهم وكذا ..
لميس : ايوا زين واخر الليل رَقص وسهرة بنات وش رايكم ؟
غيم : حِلو نروح المجلس الثاني بعيد عن الحريم
هتّان : ونا فكرت بفعاليه لبكره اخبركم عنها
رند : و بكره نبدأ بفعاليات المزرعه اتفقنا
النجلا : اك قولو نرتب الاغراض ونحطهم بالغرفة..
~
