عزيز سحب كرسي وجلس جنبه : اوفف حريتني ،لا ماحدوك على الردى لاتعاند وحاول تكسبهم بالكلمه الطيبه وحب راسهم وتأسف منهم ،ماتقل ادبك عليهم وين احترامك وين تربيتك الي تعبت عليها اميي
دخلو يزن وشاد ورمى عليهم علب عصير ليمون بالنعناع ومسكوهم بسرعه ، وسحبو كراسي لهم وجلسو امام بعض ..
شاد وهو يفتح علبته بصعوبه : شفتكم تسامحت مع جدي بس ابوي واضح للحين غضبّان عليك
تركي اخذ العلبه منه وفتحها ورجعها له : وانت في شي ماتعرفه عني حشى كاميرا مُراقبه وراي وراي
يزن ابتسم : بالضبط وراك خوانك موجودين استند عليهم لاتعيش مشاكلك لوحدك ،وبعد مو كل شي نعرفه عنك مثلاً الجروح الي بجسمك و الدخان الي بيدك ليه ياتركي لا تضر نفسك
تركي وسع عيونه ورفع يديه : لاحول ولا قوة الا بالله ! شفيكم علي انتو صحتي وانا ادرى لاتحشرون نفسكم
شاد مد يده له : هات اجل البكت بدخن
تركي : تعقب قدامي تقولها بعد بزر ماوصلت ال18 حتى
شاد : صحتي وانا ادرى بنفسي عطني خاطري اجرب
تركي رفس رجله : تسوي فيها تردها تخسي انا اخوك الكبير ولي حق اتدخل فيك بس انت ماتدخل فيني
عزيز ضحك : واحنا خوانك يلا عاد اتركه ' وبمزح تهديد ' ولا والله اعلم امي و تربيك من جديد
تركي و السيجاره بفمه اختنق وكح : حسبي الله مابيها خلاص خنقتوني بكلامكم مو منه
ضحكو عليه وهم يضربونه الي بكتفه والي بظهره وشاد بما انه بعيد ضرب فخذه وضحك معاهم انتبهو لها لم رفع تركي نظره لها ..
تركي : يمه؟ تعالي شفيك واقفه ' ورفس شاد ' قوم خل امي تجلس
ام تركي : لالا برجع لهم ' وابتسمت ' ضحكتكم ردّت روحي واسعدتني ربي يخليكم لبعض، ولحقتكم اتطمن عليكم
شاد بمزح : اي تركي للحين بزر كلنا لحقناه نتطمن عليه
تركي بعصبيه : هييه خربطت بيني وبينك شكلك ولا ؟
شاد : اي اي صح انا البزر عشان كذا بعلم عليك امي 'ولف عليها'
ام تركي : شميت الريحه ياروح امك ' وقربت وهي تمسك اذن تركي ' تبيني اعاملك مثل الطفل ياتركي؟ وش هالدخان هاا
تركي بتوجع : مافي ولا حبة دخان بيدي والله
ام تركي : ريحتها فاضحتك،تركي والله ان ماتركت هالحركات الي تخوفني عليك بطلعلك غضبي !!
تركي قبّل راسها : الا غضبك وزعلك علي يالغاليه 'أشر على فمه ' ولا دخان بيدخل فمي .. رجعو للجّلسه بعدما فضـو الي بداخلهم لبعض بروح حلوه وتركي تجاهـل شهاب وهو يحاول مايعكّر مزاجه ..
-
❖ يوم جديد بدأ بهدوء وانفس مفتوحه ومغمورين براحه وهواء نظيف انعشهـم وشرّح صدورهم ❖
~
