وقف قريب من القصر ورفع جواله وهو يتصل برقـم
تركي بهمس : تم بستلم المَلفات بليلـة زواجي واسلـمك اياهم
المُتصل ببتسامه واسعه : بعتبرها هدية زواجك منك لي
تركي بفضـول غريب عليه : تعرف وش داخل الملفات ؟
المُتصل : أعـرف وقريب تعرفون كلكـم لكن لاتستعجلون ' وسكر '
تركي بعد الجوال من أذنه بكـره: خل نتقابل بس واوريـك كيف تتأمر فوق راسي
-
❖ بـ بيت بوالنَجلا ❖
لَميس وهي تحاول تَفكـر لاتنسـى شي وتجمع اغراضها بالشنطه الي قدامها : ممم وش بعد ؟؟ ، ذكريني النجلا وش نسيت بعد مابـي اتوّهق بعدين محد بيرجعني ' وهي تناظر الاغراض بتفكير ' ،؟
النَجلا طالعت الاغراض بعيون واسعه : وش رايك تحطين سيفوه بعد ماباقي الا هو !
سيف فتح البَاب بدِفاشه : وش تحشون فيني ؟؟؟
لميس تخصرت : من حلاتك لا من حلاتك نحش فيك؟ اخر همنـا والله
سيف وهو يقلد حركته : طَبعا من حلاتـي ، المهم خَلصو خيمتو هِنا خلاص نزلو تحت ياقليلات الادب
النجلا وهي تأشر على نفسها : انا قليلة ادب ياقليل الخاتِمه؟،وبعدين كم مره اقولك طق الباب قبل تدخل؟ غرفة بنات هذيي
سيف : والله شكراً توي ادري
النجلا بنرفزه رمت عليه بلوزه من بلايز لميس : انقلع وجع
لميس صرخة : لااااا توني مرتبتها
النَجلا رمقتها : بس وانتي سكري الشنطه مليانه ملابس واغراض ماراح تنسين شي
لميس بحماس نقزت جنبها : وَناسه والله من زمان ماشفت البنات يمكن حتى نسيتهم ووقت المزرعه جداً حلو ويفتح النفس رَبيع و اول مره اروح مزرعتهم الله حماس
النَجلا ابتسمت : ايه والله وقت المزرعه الحين يلا طولناها هِنا امشي ننزل لهم
لميس سكرت شنطتها بأحكام ونزلو ..
-
❖ يوم جديد يـوم الخَميس اليٌـوم الموعـود ❖
وَردة وهي تناظر الشَباب وهم يحملّون الاغراض للمَزرعه بّرواق
رِفال بستغراب : شي غريب الشباب مَروقّين على هالصبح اكيد في شي
هتّان ضحكت بصوت عالـي لدرجه سمعوها والتفتو عليها،ضربتها وردة : اشش فضحيتنا وش يضحك؟، وانتي يالثانيـه لاتفكرين بمقالب مانبي مشاكِل
رفال : وش قلت انا الحين ؟ بس قلت .. 'قاطعتهم ام جَراح وهي تحّمل الشنط وترميهم قدامهم '
ام جَراح : عن الكلام الزايد و التَفرِج،وشيلو اغراضكـم وحطوهم بالسياره عَجلو
رِفال : يمـه خلي الشباب يكملون جميلهم ويشيلون اغراضنا ومحن نركب السياره ' وابتسمت لها ابتسامه غبيه '
ام جراح وهي تقلد نبرتها : يمـه ، ذيلي اعراضكم انتو المسؤلين شيلوهم وحطوهم بالسياره 'وراحت ركبت وخلتهم واقفين '
غيـم : الله يسامحها ثقِال وش نشيل اوفف
وَردة : عن نفسي شنطتي خفيفه واغراضي قليل ' ومشت وخلتهم '
~
