အပိုင်း ၂၁
Unicode
ကိုကြီးရဲ့ကွန်ဒိုကနေပြန်လာတဲ့နောက်ပိုင်းထဲကရတီဘယ်သူနဲ့မှထပ်မတွေ့ဖြစ်တော့တာကြာပြီ ၊ ကိုကြီးကိုရှောင်နေတာလဲပါသည် ၊ ကွန်ဒိုမှာဘဲနေခဲ့တာကြာနေပြီမို့ဘယ်မှမထွက်ချင်တော့ပေမဲ့ဒယ်ဒီကဒီနေ့လာခဲ့ဖို့ခေါ်နေတာမို့နေမကောင်းချင်သလိုဖြစ်နေတဲ့ကြားကရတီ့မှာသွားရပြန်သည်။
"ရောက်ပြီလားရတီ ၊ လာ ထိုင်ဦး"
"ကိစ္စရှိလို့လားဒယ်ဒီ"
"ကိုယ့်သမီးကိုတွေ့ချင်လို့ခေါ်တာကိစ္စရှိရဦးမှာလား"
"မသိဘူးလေ ၊ မတွေ့တာဘဲလနဲ့ချီနေပြီမို့လို့"
"ဘယ်တွေရောက်နေတာလဲ ၊ ဒယ်ဒီ့လူတွေကိုရှာခိုင်းပေမဲ့အားလုံးဆီကမတွေ့ပါဘူးဆိုတာဘဲပြန်ကြားရတယ်"
"ဒီလိုပါဘဲ ကမ္ဘာကြီးကအကျယ်ကြီးဟာ ၊ ရတီအတွက်နေစရာတနေရာတော့ကောင်းကောင်းရှိပါတယ်"
"ဒယ်ဒီပြောစရာရှိတယ်ရတီ ၊ ဒီနေ့ကစပြီးဒီမှာဘဲလာနေတော့"
"ဘာလို့လဲဒယ်ဒီ"
"သမီးတယောက်ထဲဖြစ်ချင်ရာဖြစ်ဆိုပြီးဒယ်ဒီထပ်မလွှတ်ထားနိုင်တော့ဘူး"
"ဒါဆိုအဲ့မိန်းမနဲ့ကွာလိုက်လေ ၊ ကွာလိုက်တာနဲ့ရတီ့ဘက်ကလာနေဖို့အဆင်သင့်ဘဲ"
"သမီးဘက်ကတခါလောက်လျော့ပေးလိုက်လို့မရဘူးလား"
အလျော့ပေးရမယ် ၊ ဘာကိုအလျော့ပေးရမှာလဲ ၊ ငယ်ငယ်ထဲကဒီမိန်းမရတီ့ကိုဘယ်လောက်ထိနှိပ်စက်ခဲ့လဲဒယ်ဒီသိရဲ့လား ၊ ပြောချင်တာတွေကိုမြိုသိပ်လိုက်ပြီး
"ရတီဘက်ကအဖြေကတော့မပြောင်းဘူးဒယ်ဒီ"
"ဒါပေမဲ့ဒယ်ဒီသာငယ့်ကိုကွာလိုက်ရင်သူကတခုလပ်ဖြစ်သွားမှာပေါ့သမီးရဲ့"
"ဒါကတော့သူသာဒယ်ဒီ့ဆီကနေအမွေများရမလားဆိုပြီးလက်မထပ်ရင်ဖြစ်စရာမရှိဘူးလေ"
"ရတီ"
"ပြောပါဒယ်ဒီ"
"ဟင်း ထားပါတော့ ၊ လာ ရောက်တုန်းလေးထမင်းတူတူစားရအောင်"
YOU ARE READING
Unequal Love (မညီမျှသောချစ်ခြင်း)
RomanceMarriage lifeလေးပါ♡︎ ဇာတ်လမ်းဇာတ်အိမ်ဖန်တီးမှုများအားလုံးသည်စာရေးသူ၏စိတ်ကူးသပ်သပ်မျှသာဖြစ်ပါသည်။ 19.8.2022➪7.11.2022ᰔᩚ
