Just like the stars shining bright,
You're glowing once more.
•••••
ကျောင်းတော်ကြီးဆီမှ ကျောင်းဆင်းခေါင်းလောင်းသံသည် ကွက်ကွက်ညံဆူလျက်ရှိသည်။
ကျောင်းသားများအတွက် တစ်နေ့တာအပျော်ရဆုံးအချိန်သည် ကျောင်းဆင်းခေါင်းလောင်းတီးချိန်ဖြစ်ပြီး ကျောပိုးအိတ်ကိုယ်စီလွယ်ကာ မြူးထူးပျော်ပါးစွာဖြင့် အိမ်သို့ အသီးသီးပြန်ကုန်ကြ၏။
အထက်တန်းပထမနှစ် အခန်း(၁)တွင် ကျောင်းဆင်းပြီဖြစ်သော်လည်း ခေါင်းလောင်းသံပင် ကြားပုံမပေါ်သည့် ကျောင်းသားတစ်ယောက်သည် စာရေးခုံပေါ် ခေါင်းမှောက်လျက်သား အိပ်မောကျနေခဲ့သည်။
အခန်းထဲတွင် ထိုကျောင်းသားအပြင် ကျောင်းသားသုံးလေးယောက်လောက် ရှိနေပါသေး၏။ ဒီနေ့အတွက် သန့်ရှင်းရေးတာဝန်ကျအခန်းမှာ အခန်း(၁)ဖြစ်သောကြောင့် ကျောင်းသားအားလုံးပြန်ကုန်ကြသော်လည်း တာဝန်ကျသူများက နေရစ်ခဲ့ရသည်။
အတန်းခေါင်းဆောင် အွန်းဟယ်သည် မှတ်စုစာအုပ်အထူကြီးကိုင်ကာ သန့်ရှင်းရေးလုပ်ရမည့်သူများစာရင်းကို စတင်ရေရွတ်၏။
" ဒီနေ့ ဂီတခန်းကို သန့်ရှင်းရေးလုပ်ရမယ့်သူက ဂျွန်ဂျောင်ဂု... "
" ရှိတယ်... "
နာမည်ခေါ်သံကြားသည်နှင့် ဂျောင်ဂုက ဝင်ဖြေလိုက်သည်။ သန့်ရှင်းရေးအတွက် ကိုယ့်အလှည့်ကျသည့်နေ့တွင် သန့်ရှင်းရေးမလုပ်ဘဲ စောစောပြန်သွားလို့မရပေ။ အတန်းခေါင်းဆောင်မှ ဆရာမကိုပြန်တိုင်လျှင် အပြစ်ပေးခံရတတ်သည်။
အွန်းဟယ်က ဂျောင်ဂုကို တစ်ချက်ကြည့်ကာ ခေါင်းညိမ့်အသိအမှတ်ပြုပြီး နာမည်စာရင်းကို ဆက်အော်၏။
" ပြီးတော့ ဂင်ထယ်ဟျောင်း "
အခန်းတစ်ခုလုံးသည် လေတိုးသံပင် မကြားရလောက်အောင် ဖြေသူမရှိ တိတ်ဆိတ်သွားသောကြောင့် အွန်းဟယ်က ထပ်၍အော်လိုက်သည်။
" ဂင်ထယ်ဟျောင်း "
" ဂင်ထယ်ဟျောင်း မရှိဘူးလား "
VOCÊ ESTÁ LENDO
A Poem Titled Us [ Completed ]
FanficThe love story between 𝐊𝐢𝐦 𝐓𝐚𝐞𝐡𝐲𝐮𝐧𝐠 and 𝐉𝐞𝐨𝐧 𝐉𝐮𝐧𝐠𝐤𝐨𝐨𝐤 was based on a small town. The story started since they were 17.
![A Poem Titled Us [ Completed ]](https://img.wattpad.com/cover/307777326-64-k29392.jpg)