A Poem Titled Us [ Completed ]

06 : cwjbhn

Scared I might be falling for you way too fast. Because my heart is still healing.

•••••

ရင်းနှီးပြီးမှ စိမ်းသွားသော သူစိမ်းတွေသည် ပိုစိမ်းကြသည်။ ဒါဟာ သဘာဝပဲလား။ လူတွေဖန်တီးခဲ့ကြသည့် နိယာမတွေလား။

ရင်းနှီးခဲ့သူတွေ စိမ်းသက်သွားဖို့ သိပ်လွယ်သော်လည်း ထိုသို့စိမ်းသက်ရာမှ ပြန်လည်ရင်းနှီးဖို့ရာ အဘယ်ကြောင့် ခက်ခဲလွန်းရပါသလဲ။ အဘယ်ကြောင့် မဖြစ်နိုင်ရပါသလဲ။

အကြောင်းကြောင့် အကျိုးဖြစ်ရသလို အတိတ်ရဲ့ဒဏ်ရာတွေက လက်ရှိကို ပုံရိပ်ပြန်ထင်လာ‌သောအခါ ရှေ့ဆက်ဖို့အားဆိုသည်မှာ ပျောက်ပျက်ကုန်ကြလေပြီ။

ဘာတွေဘယ်လိုပဲမှားယွင်းခဲ့ပါစေ၊ သူတို့သိပ်ချစ်ခဲ့ကြသည်။ ကမ္ဘာမြေကို ကိုင်လှုပ်နိုင်လောက်သည့် ချစ်ခြင်းတစ်ခု သူတို့နှစ်ယောက်ကြားတွင် ပေါက်ဖွားလာခဲ့ဖူးသည်။

တစ်ယောက်သောသူမှ အရာရာကို မဖျက်ဆီးမိလိုက်ခင်အချိန်အထိ ကဗျာစာဆိုတွေထိုင်ငိုရလောက်အောင် သိမ်မွေ့နက်ရှိုင်းခဲ့သော အနုပညာမြောက်ချစ်ခြင်းတစ်ခုသည် ဒီလောကတွင် ရှင်သန်ခဲ့ဖူးပါသေးသည်။

အတိတ်ရဲ့လွမ်းချင်းတစ်ခု စတင်ဖို့ရာ ကျောင်းကပွဲကို မေ့ထားလို့မဖြစ်ပေ။ ထို့ညနေခင်းသည် ထယ်ဟျောင်းနှင့်ဂျောင်ဂုတို့နှစ်ယောက်စလုံးအတွက် တစ်သက်တာအမှတ်ရနေတော့မည့် အဖိုးတန်အချိန်ကောင်းလေးတစ်ခု ဖြစ်ခဲ့ပါသည်။

ကျောင်းကပွဲကျင်းပသောအခါ စာသင်သံများဖြင့်ဆူညံနေတတ်သည့် ကျောင်းတော်ကြီးအတွင်း၌ ကျောင်းသားတို့၏ပျော်ရွှင်ရယ်မောသံများသည် ပဲ့တင်သံတစ်ခုကဲ့သို့ ပေါ်ထွက်နေခဲ့သည်။

ကပွဲသည် ညနေငါးနာရီတွင်စပြီး ကျောင်း၏အားကစားကွင်းထဲ၌ ကျောင်းသားများပြည့်လျှံနေပါ၏။ ကျောင်းသားများအကြိုက် ဟော့ဒေါ့ ၊ ပန်ကိတ်နှင့် တော့ပိုကီ ဆိုင်ခန်းငယ်များသည်လည်း ကျောင်းကပွဲ၏ တစ်စိတ်တစ်ပိုင်းအဖြစ် ကျောင်းဝင်းထဲတွင်ရှိ‌နေကြသည်။

ကျောင်းကပွဲမတိုင်ခင်ကပင် ကြိုရောင်းချထားသော လက်မှတ်များဖြင့် အစားအစာဝယ်စားသူကစား ၊ သေးငယ်သောဓာတ်ပုံရိုက်ခန်းလေးတွင် သူငယ်ချင်းများအုပ်စုလိုက် ဓာတ်ပုံဝင်ရိုက်လိုရိုက်နှင့် တစ်ချို့က ဝိုင်းဖွဲ့ကာ ဂိမ်းများကစားနေကြပြီး၊ တစ်ချို့က စတိတ်ရှိုးစမည့်အချိန်ကိုသာ မျှော်နေကြသည်။