21 : you(=i)

716 93 64
                                    

When I become a good person like you,
I'm gonna hold you in my arms.

•••••

ဟောလိုးဝင်းနီးလာပြီဖြစ်သောကြောင့် ရပ်ကွက်ထဲတွင် ဆူဆူညံညံဖြစ်နေလေသည်။ မြို့ငယ်လေးတွင် ဟောလိုးဝင်းဟုဆိုရာ‌၌ ဈေးပွဲတော်တစ်ခုကိုပဲ တန်းမြင်မိကြလေမည်။ မြို့ငယ်လေး၏ ဟောလိုးဝင်းပွဲတော်သည် မြို့ကြီးနှင့် ခြားနားကာ ပို၍ အေးအေးတိတ်ဆိတ်ပေသည်။

လမ်းတိုင်းတွင် မီးအလှဆင်ခြင်းများသာ နှစ်တိုင်းလုပ်လေ့ရှိပြီး ပွဲတော်တစ်ခုအနေနှင့် စတိတ်စင်ဆောက်လုပ်၍ အပျော်သီချင်းဆိုခြင်းများ ရှိကြပေသည်။ တစ်ချို့များက သာမန်ကာလျှံကာဖြစ်စေရန် ဝတ်စားဆင်ယင်ကြပြီး ရပ်ကွက်ထဲ လိုက်စနောက်ခြင်းမျိုးလည်း ရှိကြသည်။

ရပ်ကွက်လူကြီးများသည် ထိုပွဲတော်ကျင်းပရန်အတွက် တိုင်ပင်ကာ အလုပ်ရှုတ်နေကြပြီး ရပ်ကွက်ထဲမှ ကလေးများသည်လည်း ပျော်ရွှင်နေကြလေသည်။ မြို့ငယ်လေး၏ဟောလိုးဝင်းတွင် သကြားလုံးအစား မုန့်ဖိုးအဖြစ် ပိုက်ဆံကိုသာ တောင်းကြလေ၏။ ကပ်စေးနည်းသော အပျိုကြီးလူပျိုကြီးများသည်ပင် ထိုအချိန်ဆိုလျှင် အပေးအကမ်းရွှင်ကြပေသည်။

ဒီနေ့သည် နေသာသော နေ့တစ်နေ့ပင်ဖြစ်၏။ အအေးဓာတ်လေး လွှမ်းခြုံနေသော်လည်း ပင်လယ်ရနံ့ဖြင့် သင်းပျံ့လှပ၍ နေရောင်ဖျော့ဖျော့သည် နွေးထွေးစိမ့်မြမှုကို ပေးစွမ်းသည်။ ဆောင်းလေများကြောင့် လူတို့၏အသားအရည်များ ခြောက်သွေ့သွေ့ဖြစ်လာဟန်ရှိ၏။ တောင်ကုန်းပေါ်ရှိ မြေနီလမ်းတို့သည်ပင် အက်ကွဲကြောင်းလေးများ ပေါ်လာခဲ့လေပြီ။

နီကျင်ကျင် ဝါညိုညိုသစ်ရွက်သစ်ခက်များသည် လေတိုးရာအတိုင်း ယိမ်းနွဲ့ပျော်ပါးကာ ကွန်ကရစ်လမ်းမထက် ကြွေကျသက်ဆင်းကုန်ကြရသည်။ ဆောင်းရဲ့အငွေ့အသက်များ လှိုင်လှိုင်ထုံသင်းလာသည်နှင့် မနက်ခင်းတို့တွင် မြူခိုးမြူငွေ့များ မှိုင်းညို့နေတတ်လေ၏။

A Poem Titled Us [ Completed ]Donde viven las historias. Descúbrelo ahora