A Poem Titled Us [ Completed ]

17 : break my heart again

It must be nice to love someone
who lets you break them twice.

•••••

ချစ်ခြင်းဆိုသည် နာကျင်ခြင်းနှင့် တိုက်ရိုက် အချိုးကျသည်တဲ့။ သူ့ရဲ့ချစ်ခြင်းတွေကတော့ ပျော်ရွှင်ခြင်းတွေနဲ့ပဲ သာတူညီမျှဖြစ်ခဲ့တာ။

ရုတ်တရက် ပြောင်းလဲမှုက နာကျင်ခြင်းဖြစ်ခဲ့ပါလျှင် ထိုနာကျင်ခြင်းသည် သူ့ရင်ခွင်၌ ခေတ္တမျှ လာနားခိုသည့် ဧည့်သည်တစ်ယောက်သာ ဖြစ်ပါစေတော့လေ။

" ဂျောင်ဂု နင် ဆိုးလ်တက္ကသိုလ်ကို ဝင်ခွင့်ရတယ်ဆို "

တက္ကသိုလ်ဝင်ခွင့်များ ထွက်သည့်နေတွင် ဆိုးလ်တက္ကသိုလ်ဝင်ခွင့်ရစာရင်း၌ ဂျောင်ဂု၏နာမည် ပါလာခဲ့သည်။ မနက်စောစောတည်းကပင် အွန်းဟယ်သည် သူ့အိမ်သို့ အမောတကြီးပြေးလာခဲ့ပြီး ဝမ်းသာအားရ မေးမြန်းလာခဲ့ပါ၏။

ဂျောင်ဂုသည် အပြုံးလေးနှင့်သာ ပြန်လည်ဆီးကြိုလိုက်သည်။ ထိုအပြုံးလေးသည်တော့ အသက်ပါလှသည် မဟုတ်ပါပေ။

" နင်ရော အွန်းဟယ် "

" ငါကတော့ နင့်လောက်စာတော်တာမှ မဟုတ်ဘဲ၊ မြို့ပေါ်က ကောလိပ်ပဲ တက်ရမှာပေါ့။ ဘာပဲဖြစ်ဖြစ် ငါ့သူငယ်ချင်းအတွက်တော့ ဂုဏ်ယူတယ်။ မင်ချောကလည်း ညနေကျရင် နင့်ဆီ လာဦးမယ်တဲ့။ မုန့်ဝယ်ကျွေးဖို့သာ ပြင်ထားပေတော့ "

" အခုလေးတင်ပဲ အမေက နင်တို့အားလုံးကို မုန့်လုပ်ကျွေးမလို့ဆိုပြီး ဈေးသွားလေရဲ့ "

" အား အန်တီဟုန်းရဲ့လက်ရာ စားရတော့မှာပေါ့ "

အွန်းဟယ်သည် ရွှင်မြူးပြုံးပျော်နေပါသော်လည်း ဂျောင်ဂုတစ်ယောက်ကတော့ ပုံမှန်ပင်ဖြစ်သည်။ သူ့ပုံစံအတိုင်း အပြုံးအေးအေးလေးနှင့်သာ နေနေပါတော့သည်။ ဒါကိုတော့ အွန်းဟယ်တစ်ယောက်သည် ရိပ်မိနေခဲ့ပါ၏။ ဂျောင်ဂု ထိုသို့ ဖြစ်သွားခဲ့သည်မှာ မြို့ငယ်လေးမှ ထယ်ဟျောင်းထွက်သွားပြီးတည်းက ဖြစ်သည်။

အပြုံးလှလှလေးနှင့် ကောင်လေးသည် ပြုံးနေသော်လည်း စိတ်ပါလှသည်မဟုတ်သဖြင့် ထိုအပြုံးလေးသည် နွမ်းခွေခွေ ယိုင်လုလု ဖြစ်နေခဲ့သည်မှာ ကြာခဲ့လေပြီ။