အပြန်အလှန်ထပ်တူမကျတဲ့ချစ်ခြင်းတစ်ခု...ရိပေါ်ကလက်ခံရရှိခဲ့တယ်။နီးကပ်လာတဲ့ကံကြမ္မာအစက်လေးနှစ်ခုရဲ့အဆုံးသတ်ကဝေးကွာဖို့ဖြစ်လာကြတဲ့အခါကျရင် ရိပေါ်ကရင်နာနာနဲ့ပဲလက်ခံရမယ်ထင်တယ်
ကိုယ်ချစ်တဲ့လူက ကိုယ့်ကိုယ်ပြန်သဘောမကျခဲ့ရင် လူတွေက အချစ်ရေးကံမကောင်းဘူးဆိုတဲ့အကြောင်းပြချက်နဲ့ အသွားအပြန်မရှိတဲ့ချစ်ခြင်းမေတ္တာတွေအကြောင်း စာတွေတစ်သီတစ်တန်းကြီးနဲ့ဆိုကြလိမ့်မယ်။ဒါဆို...ရိပေါ်ကရော..?
ရိပေါ်လို့ချစ်ဖို့အခွင့်အရေးတောင်မရှိတဲ့သူဆိုရင်ကံကြမ္မာကိုဘယ်လိုအပြစ်ဆိုသင့်သလဲ
"ကျန့်ကော...ကျွန်တော်တို့ဒီနေ့ညနေရော သွားဖြစ်ကြဦးမှာလား"
ရှောင်းကျန့်ကပိတ်ထားတဲ့ပြတင်းပေါက်ရဲ့လိုက်ကာစကို လက်ချောင်းလေးတွေနဲ့အနည်းငယ်လောက်လေးဖယ်လိုက်ရင်း အပြင်ကိုကြည့်နေတယ်။ပြီးမှရိပေါ်ကိုစကားပြန်ပြောခဲ့တာ...
"အင်း...သေချာပေါက်သွားရမှာပေါ့"
"အဲ့တာဆို အခုဆေးသောက်မယ်မလားကျန့်ကော"
ရှောင်းကျန့်ကရိပေါ်ကိုကြည့်ရင်းဖွဖွလေးထပ်ပြုံးတယ်။အရင်ကတည်းက သူ့ကိုဘယ်သူ့မှတကူးတကဂရုမစိုက်ခဲ့စလို သူကိုယ်တိုင်လည်းဂရုမစိုက်ခဲ့ပါဘူး။ဒီအကြောင်းကိုသာရိပေါ်သိရင်....
"ဒါတွေကငါ့အတွက်အထူးအဆန်းမဟုတ်တော့ဘူးရိပေါ်"
"ခေါင်းမမာပါနဲ့လားခင်ဗျားရယ်"
ရိပေါ်ကလေသံတိုးတိုးလေးနဲ့ပဲရှောင်းကျန့်ကိုပြောရင်းအနားကိုတိုးလာတယ်။ဒီလူကမလိမ္မာဘူး။ရိပေါ်စိတ်ပူရအောင်လုပ်ရတာကိုသဘောကျနေသလိုပဲ...
"အ့!"
"ကျန့်ကော!"
ထိုးကိုက်နေတဲ့ခေါင်းကိုဖိထားရင်း ပါးစပ်ကအသံထွက်ညည်းမိတော့ အဲ့ဒီကောင်လေးကတော်တော်စိုးရိမ်သွားပုံပဲ။
"ဆိုးလိုက်တာ ကျန့်ကော"
သူ့ကိုဆိုးတယ်လို့ပြောလာတဲ့ကောင်လေးက သူ့ရဲ့လက်တွေကိုဖွဖွလေးကိုင်ထားရင်း အာငွေ့ပေးနေတယ်။ရိပေါ်ဘေးမှာရှိရင် ရှောင်းကျန့်ရဲ့လက်တွေကအမြဲနွေးနေမှာ....
YOU ARE READING
|| 𝐓𝐫𝐚𝐟𝐟𝐢𝐜 𝐋𝐢𝐠𝐡𝐭 || 信号 || [ ᴄᴏᴍᴘʟᴇᴛᴇ ]
FanfictionBJYX burmese fanfiction and creation, thoughs (not plot) inspired from Driver License by Oliva Rodrigo ♡.
![|| 𝐓𝐫𝐚𝐟𝐟𝐢𝐜 𝐋𝐢𝐠𝐡𝐭 || 信号 || [ ᴄᴏᴍᴘʟᴇᴛᴇ ]](https://img.wattpad.com/cover/320479296-64-k316114.jpg)