الدينيرو

11

أماني تتسول ريم على أحوالهم من بعد ما ركبو في السيارة ، ريم ما جوبتهاش و جبدات هاتفها ..

"كيف أنسى المواقف المحرجة" كانت هادي هي الجملة لي حطاتها في بحث الأنترنت .. ما راضياش وما بغاش تهضر حتى دخلات الشك في أماني .. شاف فيها من المرآة الأمامية و نطق ..

حسام : أماني نوقفو فشي بلاصة نهضرو ؟!

حركات ليه راسها بآه ، وقف سيارته جنب الطريق و نزلو غير بزوجهم و بعدو شوية تيهضرو ..

حسام (تيحك في راسه ) :المهم ، بلاني معاك ما صدقش دونك نقولك شنو كاين .. الگورفين جاب ليا واحد لا ليست ديال الأرقام وقال ليا هادو دير ليهم في تيليفوناتهم حماية باش حتى حد ما يقدر يتجسس عليهم وأنت كنتي منهم ..

أماني (بتساؤل) : الگورفين ؟!! شكون هذا ! و علاش تحمي ليا تيليفوني؟؟؟

حسام : هُمَام هُمَام.. على قبل بلان اللوطيل باش حتى واحد ما يعرفنا شنو كنديرو ، سيغتو على الناس لي بانو في الواجهة باش ما يعرفوناش فين تنتلقاو ..

أماني (دوراتها في راسها) : ولكن عزام في تيليفون هضرنا فين نتلاقاو !!

حسام : عزام ماشي مشكل ديجا هداك مأبليكيها(مطبقها) في تيليفونو ..

أماني (عطاتو تيليفونها و شدو من عندها ) : كنتي من الأول تقولها ..

حسام (تيضحك و خدام في تيليفون) : جاتني في شكل ندخلك هاد الدخلة ، و حتى شكرا داك النهار ما سمعتيها منا (رجع ليها تيليفونها) ..

أماني (شداته ) : ماشي شي حاجة بكل فرح.. (تنهدت) هادشي يدا تيخوفني ، علاش هاد الاحتيطات كاملة ؟

حسام (حس بخوفها و نطق بمزاح) : تخافي ومعاااك راجل (ضرب في صدرو)

أماني (قلبات عينيها بملل) : اممم صاحبك يا حصرة مضروب و غارق دمايات و نعستي ما جبتي خبارو ..

حسام (تيضحك ) : ههه أنت من صحاب الماضي لا يموت

أماني (بإبتسامة ذابلة) : هه أنا من صحاب الحقيقة المرة (بغات تسوله و امتانعت )

حسام : كاينة شي حاجة ؟

أماني : صراحة ماعرفتش ، و لكن نقدر نجيب معايا ريم بنت خالتي ، دبا جات عندي و ما كاينش لمن نخليها ..

حسام : هانية جيبيها ، أصلا غادي يكون فحال شي تجمع عائلي ، عاد يكون غييونيون ديالنا بوحدنا ، غير ما تجيبش معاها تيليفونها

وسط الطموبيل أمجد دور وجهو تيشوف في ريم ، ساهية في تيليفونها ، غير حسات بيه تيشوف فيها و هي تنطق بصوت هادئ و شبه مسموع ..

ريم : عفاك ما تشوفش فيا ..

أمجد (ابتاسم بمكر) : علاااش ؟

ريم (دموع بداو ينزلو ، هزات فيه عينيها المعسلين و نطقات بصوت مغمغم): عفاك ما تشوفش فيا و ما تهضرش معايا و ما تعقلش عليا ..