الدينيرو

16

في مستشفى خصوصي ، ناعسة في حجرة طبية ، مزال بنفس اللباس الرياضي لي كانت فيه ، فاقدة وعيها و داخلة في اللاوعي ، و الصوت الوحيد لي كيتردد في مسامعها هو صوت المديعة لي كانت في الأخبار ..

"الان وردنا خبر عاجل عن محاولة تف.... جير ق..... نبلة بفندق بالي .... لم تخلف المحاولة أية ض...حايا حيث أن الجنرال همام كان في قيد المكان وتمكن من اخراج الق.....نبلة من الفندق عبر طائرة مروحية حيث تم عثور على ربان المروحية في حالة حرجة أما الجنرال السيد همام لازال مفقودا للان...

فاقت مرعوبة كلها عرقانة ، عينيها محلولين على الآخر ، غير شافت خالتها شادة ليها في اديها ، تلاحت عنقاتها من كرشها و هي ناعسة ، تتبكي حتى تتشهق

أماني(بصوت مضيوم) : اهئ اهئ خالتي واش لقاااااو همام ؟؟؟ واش ما....اااات ؟؟؟ اهئ اهئ غان....مووت يا ربي اهئ اهئ قولي الحقيقة ما تخبيش عليا الله يرحم ليك الوالدين

ريم (تتبكي على همام و بقات فيها حتى حالتها ) : قاليك لقااااوه آ ختي و لكن حالته خطيرة و راه في العناية المركزة ..

أماني بعدات على خالتها ، تتمسح دموعها ، لا المكان و لا الوقت مناسبين للبكاء ، نترات بقوة شوكة السيروم حتى طوش دم.....ها و شداتها خالتها تتوقف فيها

سميرة (بخوف ) : فين غادة آ بنتي ؟؟ صبري غير حتى يسالي السيروم ديالك و ترجعي صحتك راك ضعيفة دابا ماغاتقدريش توقفي

ريم (تتبكي) : اهئ اهئ أصلا نتي دبا ما عندك باش تنفعيه ، راه الأطباء دايرين خدمتهم ، الله يحفظو و ينجيه يا ربي و ترجعو بصحته

أماني (لقات كاس الماء محطوط حدادها هزاته شيرات بيه على ريم ، على شوية ما يجيها في الراس ، تتغوت بحر جهدها ) : خااالتي هضري معاااها نق...تلها ، قولها تفرق عليييه تبعدددد منو ، ما تجبدوووش على فمها (تتبكي) تتعصبني بلعاني .. (تتغوت) أنا طبيبة و أنا عندي ما ندييير ليييه (رجعااات تتبكي بهيستيرية ) اهئ اهئ لا ما نقدرش !! يقد ي..موت فحاال بابا ، و نقدر نخرج عليه من الأحسن نريح غير هنا حتى توصلني خبااارو اهئ اهئ (هزات عينيها في ريم ) خرجي نتي من هنا ما بغيتش نشوووفك

ريم انساحبت في هدوء ، مرعوبة من ردت فعلها ..

سميرة (تتحاول تهدن فيها ) : الله يرضي عليك آ بنتي ، آش هاد الحالة درتي في راسك ؟ تضري أختك على قبل واحد ما تنعرفوه ما تيعرفنا

أماني (تتمسح دموعها و تتحرك راسها يمين وشمال ) : هداك ماشي أي واااحد ، هداك حياتي كلها ، الى ما

.ت نم..وووت معاااه ..

سميرة (بلعات ريقها ، تتأسف على حالتها ، و رجعت مسايراها في كلامها ) : وخ آ ابنتي ارتاحي دبا و هانا معاك و إن شاء الله نسمعو عليه غير خبااار الخير