الدينيرو

30

الدينيرو الجزء 23

رواية الدينيرو dinero
قبل ما يطلق من وجهها سمع صوت مروحية تتقرب للعندهم بالفرحة غوت بالجهد حتى وسعت عينيها تتنهج رجع عليها الوجع بأكتر حدة ، هبط قبل جبينها بدون شعور ما مصدقش و ناض تيهضر بوحده و قاصد الباب بسرعة

همام : كنت عارف ربي يفرجها ..

سد الباب و لقاهم مشعلين المصابيح من الفوق ، كيهز عينيه و لكن الأمطار القوية تتنزل ليه على وجهه تتمنعو عن الرؤية ، دارليهم إشارة الهبوط بإيديه بلاما يهز عينيه، حس بيهم هابطين و تيهضرو من الفوق

.. : شااف لباااس ؟؟ صيفطتي لينا إنذااار الخطر

همام (بصدمة و فرحة و خوف ) : واااش وصلكم ؟؟ ما كانش تيعطيني وصل ..

... : لا كان تيوصلنا و لكن داكشي لي كنصيفطو حنى نتا ما كيوصلكش و قلنا نجيو نشووفك

ما جوبهمش دخل تيجري للعندها ، مغيبة و تتنين .. فرش كوفرلي في الارض و هزها حطها فوقو و كلكمها فيه مزيان ، الجهد لي ما يدخلش ليها البرد ..

همام (بخوف) : ما بقا والو آ أماني شدي في روحك

غير هزها ترخى جسمها بالكامل عليه و فقدات وعيها كليا ، ما بقاتش تتستجوب مع العالم الخارجي .. مقوي راسه بالسيف و خرجها مغطيها على الأمطار و رجاله بانو ليه هازها و هبطو حلو الباب و عاونوه حتى حطها فوق الفطوي و انطالقو

همام(بأمر و حدة ) : عيطووو ليهم يوجدو البلووووك داااابا و دوزوهم ليا نعطيهم معلومات على حالتها (تيتحسس نبضها لي ضعف و تيضرب في وجهها بشوية ) أماني جوبيني آ حبيبي جوبي (كيسمع كلام الطبيب في الكاسك جوبه من فوره ) أماني خسرات الد٠٠م بزااف ، بقاات كتوجع حتى غيبات و نبضها ضعيف (الطبيب كيسولو و هو كيجبو ، عارف عليها أدق تفاصيل ) وخ انا نقلبها على جنبها الليسر (تيرجف ) لا ما نطويش رجليها

متواصل مع الطبيب و متبع كلامو حتى هبطو و لقاو الفريق الطبي على استعداد هبطها ليهم وحطها فوق السرير المتحرك و هو تابعها معاهم حفيان ، تيتغاوتو دارو ليها الأوكسيجين و السيروم و هبطوها للغرفة العمليات .. و منعوه من الدخول

الطبيب : ما دخلش بهاد الحالة ، مناعتها قليلة ، سير عندهم عقم و بعطيوك ملابس معقمة و دخل عندنا ..

همام (ما زادش معاه الهضرة ، و نطق بتوسل و كيشمر بنيفو ) : عفااك آ دوكتور خرجها ليا على خير هي لي عندي ..

الطبيب : بحول الله ..

دخلو كلشي مجهز ، تيقادو ضغطها بالأدوية ، كيعوضو جسمها لي نز٠ف بأكياس الد٠م ، مدة و هما تيقادو نبضات قلبها .. ما يقدروش يبداو العملية و هي حالتها ما مستقراش ..

بعد عدة محاولات ، استقر وضعها و مباشرة بنجوها بنج كلي و جهزوها للولادة .. بمجرد ما ضرب الطبيب شق صغير أسفل بطنها فوق عظمة أنوثتها بالمشرط همام دخل عندهم ، وقف جامد في مكانه و هو كيشوف فيه تيحل في طبقات بطنها و تيوسع بإيديه ، كلشي محرك و ضجيج قوي في الغرفة خلاه يترفع ..