الدينيرو

28

الدينيرو الجزء 21

رواية الدينيرو dinero
واقفين في المدخل الثاني للمحمية ، همام بجلابية شفافة في الگرونة و تيبان لابس تحتها جابادور أبيض و مخيط بنفس اللون الجلابة و دايرين بيه رجالو بكوستيمات في الأسود و كيوشوشو مع بعضهم و ذمام تيزين معاهم الحصان و صاحب الحصان حاكمه ، حجمه كبير و طوله مرتافع و من لونه المائل للرمادي و رأسه المستقيم ظاهر عليه من سلالة الحمداني .. و بعض الملتمين في الجوانب واقفين بتبات بأسلحتهم ...

ذمام (تيضحك) : عطيه آ المقدم شي كود على عودك ، باش ما يحشمناش قدام الناس ..

همام عقد فيه حواجبه ...

المقدم : غير يحكمو من لجام و ما يرخيش معاه و يكون حسكة فوق السرج، راه عندي ديال الخيل ما يعرف بشوبة نيشان سيزيام ، الى وقف بيه ما يخافش غير شد و ما تطلقش

همام (شاف فيه) : تدخل معانا الى بان ليك هرب تحكم

المقدم : وااا عليه

همام (صونا تليفونه ، هز جلابته و جبدو من جيب السروال) 📞: آش كاين ؟

أمجد 📞: صافي نمشي نجيب العروسة ؟

همام (بعصبية ) 📞: باقي ما مشيتيش آ راس ze ؟ (سكت ما كملهاش و كمل كلامو ) اش كتسنى !! (قطع )

ذمام (غمزو ) : رخي النفس آ صاحبي

همام (تيغزز شفايفو مرعد ) : ما كاينش علامن تسلم مع هاد القوم ، (بأمر ) هو و كاميها يتقلبو من راسهم للرجليهم يتفلاو عاد يدخلو ..

ذمام صونا حتى هو تيليفونه بعد تيهضر

قاعة العرس كانت مفتوحة ، بما أنه فصل الصيف ، شهر تمنية ، الأجواء و المناخ جد مناسبين ..

الديكورات و الأضواء و الأرضية مزينين بلمسات طبيعين متناغمين مع موضوع المحمية

باللون الذهبي و البني الخشبي تزوقات القاعة، و الاكسيسورات ملكية و الستائر العالية محاوطة بعض الأشجار بديزاين عصري راقي .. و الشموع و الورد في كل مكان حتى للبرزة العروس و العروسة لي تصميمها بسيط و لكن ساحرة ..

كلشي مرتب و مقاد و متول في مكانه ، الكراسي و المائيدات مغلفين بأقمشة موحدة ..و منصات الاوكسترات جاهزين ..

الدقايقية و عساوا و عبدات الرمى كل مجموعة واقفة بوحدها

السيارات أشكال و أنواع تيدخلو ، تيتفتشو مع اسئلة روتينية عادية (الاسم الشخصي ، الاسم العائيلي و بطاقة الدعوة ... ) و تيطلعو في الدريجات ، الدقايقية خدامين ، التمر و الحليب في الباب و همام تيستقبلهم بالابتسامة ، لي تيعرف و لي ما تيعرف يكفي أنهم وصلو لي عندو هذا يعني انهم من المعروضين ، و المكلفين تياخدوهم للأماكنهم المخصصة ..

وصلات سيارة لقمان نزل بكامل أناقته و حل للباب للإكرام حتى نزلات بشوية عليها ، معاونة بعكاز واحد و هز ليها قفطنها الأخضر الطويل و عاونها حتى طلعات للدريجات .. لقمان و همام تسالمو سلام رجولي و إكرام رمات عليه حنكها ما قدرش يقمعها امام لقمام و بادلها السلام ، باركت ليه بصوت ضاحك