الدينيرو

19

كاس ورا كاس .. جالس و عينيه تعسلو ، هز تيليفونو و دوز آپيل ، بمجرد ما تفتح الخط هضر

همام (بصوت تابت) 📞: بلاما طلع عندي إكرام ، عطيوها وراقيها ..

نينجا 📞: عنداك صباح تصبح عليا بداك الديسك أنا ما كنتش عاقل و داك الهايت !!

همام 📞(بلع ريقو و نطق بصوت تقيل): خاصاني هي ، باغيها هي (بتأكيد )، من ليوم إكرام ختنا و صافي

نينجا 📞: شكوون هي ؟

همام (تسند على الفوطوي ) 📞: مولات الميساج آ zeبي ركز معايا

نينجا 📞: سير الله يعفووو ، لي قدر يحيد ليك إكرام قادر يحيد ليك كلشي

همام (هز عينيه بان ليه واقف عليه ، ابتاسم بمكر و كمل كلامه ) 📞: الخبار تتوصل قبل ما تتخرج ، تقوو••_ د (قطع و ضرب حداه في الفوطوي ) زيد آ كاميها نعصرو على هاد القرعة

حسام (جلس تيتنهد و هضر بجدية) : علااااش غادي تصيفط إكرام ؟؟ علاااش تخرجها من البلاد ! علاااش تتحك على الظبرة آ ولد عمتي !! فاااش غلطت معاااك أنا؟

همام (صغير فيه عينيه و نزل كاس آخر ونطق بصوت قوي ) : طولت معااااك في هاد الموضوع بزااف و خيخت فيه، ساكت ليك و ساكت لهبالك ، ليوم تعيق غدا تعييق .. إكرام شي حاجة ديالي آ zeبي ، حلات عينيها عليا و طيح و تنوض عليا ، گاع الناس شافونا و عرفونا ، يمكن حيت ولد ليرا ، تنغيب بالشهور ، نتا ما كنتيش شااايف .. من و هي بنت خمسطاش عام شفت ليها كلشي و عطاتني كلشي ، بغيتها قبل منك و مت عليها و بغيت نكون معاها حتى فرقتنا الوقت.. مزال كنضور حتى نعيا و تنرجع ليها و تنلقاها باقة تتسنى .. ما عرفتش شنو مخيل نتا في دماغك! نهار جيتي عندي بديتي عليا نتا لي واقف في طريقي و نتا نتا ... و ديك الهضرة ديال الكيلو ، سمحت فيها حيت ديك الدرية ما كايناش شي حاجة غادي تجمعنا، عطيتها ليك ، عام و هي تترجع فيك و راسك مازال ما بغا يطيب !!!

حسام (هز كاس من حداه و حتى هو نزل عليه دقة واحدة و نطق بغضب) : حتى أنا حليت عيني عليها و هي لي تتجيني في البلان ، تكون معايا و لا ما تكووونش مهم تبقى معايا في نفس المدينة و نشوووفها وقتما نتوحشتها ، ما مخيل في دماغي والو مخيل غير نتا تتلعب بيها و بيا ، plan A ديال ترجع وهيبة ما صدقش ، دزتي plan B تبعدها ، تغبرها

همام (عقد حواجبه و نطق بعصبية) : شبعااان هضرة خاوية آ لقلااا•• وي .. هي نهار بغات تخدم معانا سولتها آش بغات ، ما بغيت لا نصيفطها لا نخليها ، هي لي اختارت ، إكرام ما بقاتش تتعني ليا صافي تعيش حياتها كيف بغااات و ضبر للkaرها ، خاطيني صداعها

حسام (نزل على كاس آخر و نطق بعصبية أكثر) : حتى أنا بغيت حقي من لاڤير !

همام (بجدية) : ما ناكلكش فيه ، من حقك ، طلب شنو بغيتي !

حسام (بدون تردد) : ليلة حمر.. ة مع إكرام و بالخاااطر و ديك ساعة تمشي

همام (ما شعرش حتى وقف و جمعو بكروشي حتى دوز ليه الد...م من شنايفو و زفر بغضب) : باغي ترجعني شمااا٠٠___ تة فحاال باااك ، ترجعني قوووو٠٠ا ااد !!