ကိုယ့်အသက်မို့ မဝေးချင်ပါ
အပိုင်း ၁၇
ဟိုနှစ်ကောင်ထွက်သွားတော့မှ
စွဲညို့ သူမလေးကိုလှည့်ကြည့်လိုက်ပါ၏ ။
စောနက မျက်နှာအမူအရာနဲ့တော့ မဟုတ်ပါလေ
"ခဏစောင့်ဦး "
သူမလေးကခေါင်းငြိမ့်ပြသည်မို့
စွဲညို့ အထဲအမြန်ဝင် အပေါ်ထပ်တစ်ထည်ယူကာ
ထွက်လာလိုက်သည်။
"ကိုကြီး အေးလို့လား "
"မဟုတ်ဘူး ငါ့ညီမရဲ့
အကြောင်းရှိလို့ သွားရအောင်လေ"
"ခဏနေပါဦး ကိုကြီးရဲ့
ဆူးခက်မေးစရာ ရှိလို့"
"လမ်းမှာလည်း မေးလို့ရသား
ငါ့ညီမရယ် "
"ဟင့်အင်း မျက်နှာချင်းဆိုင် မေးချင်လို့
ကိုကြီး ဒီဘက်လှည့်ပါလို့ "
သူမလေးက အင်္ကျီခါးစကို ကိုင်ဆွဲရင်း
ပူဆာလာတာကြောင့် စွဲညို့သူမလေးနှင့်
မျက်နှာချင်းဆိုင် ရပ်လိုက်ပါသည် ။
သူမလေးက ဆိုင်ကယ်နဲ့ စွဲညို့ကြား
အလိုလိုရောက်သွား၏ ။
"ကဲ ဆိုစေဗျာ "
"ဟို ... ဆူးခက်လှလားဟင် "
ဘုရားကယ်ပါ
အသက်လေးက လုပ်ပြန်ပါပြီ
လက်လေးနှစ်ဖက်ကို နောက်ပစ်ကာ
မျက်နှာလေးမော့ပြီး မေးလာလေ၏ ။
ကြည့်နေတဲ့ မျက်ဝန်းညိုညိုတို့မှာလည်း အရောင်တလက်လက်
စွဲညို့ ထိုအကြည့်များကို မခံနိုင်ပါ
နှလုံးသားထဲက ဆူညံသံတို့ကို
သူမလေးမကြားအောင် ထိန်းချုပ်ရတာလည်း
မောလှပါပြီ
မပြုစားပါနဲ့တော့
ကိုယ့်အသက်ငယ်လေးရယ်
စွဲညို့ တဒုန်းဒုန်းတဒိုင်းဒိုင်း ဖြစ်နေတဲ့
ရင်ခုန်သံတွေကို အတတ်နိုင်ဆုံးထိန်းချုပ်ကာ
မော့ကြည်နေတဲ့သူမလေးရဲ့ မျက်ဝန်းညိုတွေနဲ့
ဆုံအောင်ကြည့်လိုက်သည် ။
"လှတယ် သိပ်ကိုလှတာ
လှလွန်းလို့ နန်းတွင်းခေတ်များသာဆိုရင်
နှစ်ပြည်ထောင် စစ်ခင်းရလောက်တယ်"
" နှစ်ပြည်ထောင်က ဘယ်ပြည်ထောင်နဲ့ ဘယ်ပြည်ထောင်လဲဟင် "
စွဲညို့မှ သူမလေးမျက်နှာကိုတစိမ့်စိမ့်ကြည့်ပြီး
ပြောလိုက်တဲ့ ထိုစကားကို သူမလေးက မျက်လုံးလေးဝိုင်းကာ
ချစ်စဖွယ် မေးခွန်းပြန်ထုတ်လာပါ၏ ။
VOUS LISEZ
ကိုယ့်အသက်မို့ မဝေးချင်ပါ(Complete )
Roman d'amourStart date 2.11.2022 End date 4.4.2023
