من أراد قربك سيقترب منك، ومن أراد رؤيتك سيأتي إليك، ومن أراد سماع صوتك سيتصل بك، كلها أمور لا تمنعها الظروف بل تمنعها النفس.
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
صفاء : اليوم لازم اشوف نوره خاف الايام الجايه ما اشوفها اريد اشبع عيوني منها كملت العشه وطلعت وگفت شويه بالباب سلمت على زلم جوارينه كاعدين يلعبون طاولي كلت اروح اتمشه اشوف امجد وين هوه بنفس الفرع مالتنا بس هوه بداية الفرع واحنه بالنص......... مثل ما توقعت واكف يم شجرة النبگ
صفاء : امجد هاي الشجرة لو عدها لسان جان شكت منك
امجد : هاي الشجرة تعرفني اكثر من امي
صفاء : بس الشجره؟
امجد : لا الشجره وراعيتها
صفاء : ما تحرك نفسك صارلك سنتين على هل حال
امجد : اخاف يرفضوني
صفاء : انته جرب حظك .....احسن من الوكفه هنا
امجد : وانته شوكت
صفاء : لمن ربك يسهل اني شغلتي سهله خوفي عليك انته
امجد : اذا قسمتي ما تروح لغيري
صفاء : امشي نروح يم علي
امجد : يله امشينا
صفاء : تعرف يكولون هل ايام راح يوصل رتل عسكري امريكي حتى يفتشون المنطقة
امجد : واحنه شكو اشو سچين حاده ما عدنه
صفاء : هههههههه خرب يومك
امجد : والله عليمن خايفين اذا يردون انطيهم عمتي ليلى
صفاء : ولك خطيه
امجد : هاي شبيك تفيدهم تنقل الاخبار اسرع من المخابرات
صفاء : والله فقيره انته مصيحها
امجد : هاك شوف صاحبك نفس الحال كاعد هوه وسبحته
علي : هااا ولك شوكت تجوز مني
صفاء : علاوي معليك بي استمر
علي : اي وين اروح شوفة عينك المنطقة كلها طافيه والناس كاعده بالبيبان لا كهرباء ومثل الناس واحد يكعد يباوع فلم ولا اصدقاء يسالون
امجد : ادري لعد احنه لمن جايين على عمك غير عليك
صفاء : علي كوم سويلنه چاي
علي : محد بالبيت
صفاء : ....... ليش امك بيها شي
علي : لا اختي يمكن هبط ضغطها واخذها وليد لــ سعيد المضمد
صفاء : ان شاء الله خير .......... ضلينا واكفين نسولف بس اني بالي كله يمها وره ربع ساعه اجتي تمشي بس بالكوه ...........لمحت عيونها شكد تعبانه يا نهر العافيه تعبانه كون بيه التعب
.
.
.
.
.
.
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
