وان طال الزمن

البــارت " 20 "

- لقد عشت خذلانٌ بما يكفي، أنني لا أحتاج احد ليذكرني كل ماعشته لأنني لازلت لا أنسى تلك الخيبه التي قتلت قلبي.

┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
دخلت للعملية واني لا اخ ولا اخت ولا ام محد بس قيس وخالتي وياي دخلت بالخاص خالتي ما قبلت بس قيس  رفض كلامها كللها  شنو على جم فلس فدوه
والحمدلله جبت جهالي كعدت عبالك بغير عالم بطني توجعني خلصتها بجي حته جهالي ما شفتهم من كد الالم الي احس بي من اتحرك احس روحي تشوغ
ضليت يومين بالمستشفى وراها رجعت وحاجيت قيس  ابقه كم يوم يم بيت ابو مازن كتله هناك منو الي ومنا الجهال خالتي مابيها حيل بس يم بيت عمي ابو مازن بناته موجودات و اني ارتاح يمهم
بالكوه قتنع من وصلنه لبيت عمي ابو مازن عمو لزم الجهال واذن بأذانهم وسالني شنو راح تسمونهم
كتله راح اسمي واحد منهم احمد على ذكرى اخويه الله يرحمه
قيس كال حته الثاني انتي هم سمي بلي يعجبج
صفنت اجه بالي صفاء

كتله عمو صفاء
صارو احمد وصفاء
ضليت 10 ايام يم بيت عمي والحمدلله صرت زينه بس جهالي كلشي ما اعرف بيهم
المشكله البنات وعمتي وما يلحكون لان اذا بجه واحد منهم الثاني يكوم يبجي وهيج خلصن الايام
رجعت لبيت عيالي اجاني وليد وامي دازه بيده فلوس شترولي كاروك لاحمد وكاروك لصفاء
وبيت عيالي نفس الوضع لا جديد بس بده مناقشات حته يتصالحون ويه زوج بيداء
والحمدلله ادخلت ناس وصارت المصالحه
صار اربعين يوم للجهال بيومها اجتي بيداء النه
امها زعلانه عليها دخلت سلمت على اخواننا وراحت باست ايد امها وراها اجتي عليه
شبكتني من كل گلبها وتبوس بالجهال وجايبتلهم ذبيحه
وخلت بگماط كل واحد بيهم 50 الف
ضلت يمنه اسبوع بهذا الاسبوع كلش تونست وياها

بيداء : نوره عمري ما انسى موقفج وياي ولا انسه شلون وگفتي وياي

نوره : بيداء لا تبالغين  اني ما سويت شي بس ما ردت جهالج ينحرمون من امهم

بيداء : ان شاء الله اكدر اجازيج

نوره :  رجعت بيداء لبيتها والبيت رجع لوضعه الطبيعي يعني اني اكمل شغلي اصعد للغرفه زوجة فريد هم عليها شغله اني من صارو عندي الجهال قيس حجه ويه خالتي تخلي عليه بس المواعين لان ما الحك ابد يعني من الصبح لليل  اني اركض على نومتهم اكمل شغلي لو اغسل ملابس لو اغسل المواعين لو اسبح
قيس رجع يتاخر بليل بس ما يشرب يعني انام هوه ما موجود من اكعد للجهال اشوفه يمي على الجربايه
فد يوم اجه كال هاي الورقه الج
فتحتها اقره بيها سند مالت بيت كتله هاي شنو

قيس : هذا بيت موجود بغداد هديه مني الج

نوره : والي يهدي  يجيب هديه معقوله مو بيت

قيس : هذا مني الج شي بسيط صارلج شكد وياي ما يوم طلبتي فلس واحد اذا ما انطيج ما اطلبين وكافي الي شفتي مني ذيج الفتره