ماذا لو لم نفترق ؟
ماذا لو عاد الزمن الى الوراء الى بدايتنا الجميله.
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
نوره : ضليت يم اهلي وره اسبوعين اجه قيس اني ولا طلعت ضل هوه وعلاوي وليد واسمع بس الصياح انوب اجه وليد كال علاوي يريدج رحت دخلت سلمت وكعدت يمهم
علي : قيس هذا اخر تحذير الك و لو اعرف من البداية فلا اخليها يمك بس هسه بختك بالجهال مره ثانيه حته الجهال ما يوكفون بعيني اختي لا خدامه ولا جاريه عندك ما عاجبتك هذا بيت ابوها مفتوحلها
بس مال تضربها هاي مرفوضه ثاني مره تصير موزينه
وانتي نوره شوكت ما حسيتي ما مرتاحه تخابريني واجيج
نوره : صار علاوي....... لميت اغراضي واخذت الجهال ورجعت للبصره الطريق كله قيس گالب وجهه عليه واني ولا هامني فرحت كلش بكلام علاوي حته يعرف اني ما طالعه من فطر الگاع
وصلنا البيت وتلكتني خالتي اي همزين تعرفين عندج عيال
اني انطيتها اذن الطرشه وصعدت فوك
رجعت لنفس وضعي اكمل شغلي واصعد التهي بجهالي
هاي قيس ولا يحجي وياي ولا اني حاولت انو اصالحه اني ما غلطانه بشي كافي صار سنه ونص يدمغ على راسي
صارت الايام تمشي بكل هدوء قيس بالنهار بالشغل يرجع يتغده وينام يكعد المغرب يتعشه ويطلع مرات يرجع نص ليل ومرات ما يرجع اني ملتهيه بجهالي رجعت اهتم بنفسي لان كلش هملتها ومنا شغلة حمودي ونوب جبت ضليت بس للركاض كلت شويه خليني ارجع لنفسي مخلصتها اهم بفلان وعلان
فد يوم كاعده على الجربايه وجاي اصبغ اضافيري هاي وره ما نومت الجهال اندكت الباب بس بقوه كمت بسرعه فتحت الباب هذا قيس شعجب راجع من وكت
نوره : قيس غير على كيفك الجهال نايمين
قيس : اسفه مدام نوره مفروض احجز يله ادخل غرفتي
نوره : شكو قيس رجعنا لنفس الاسلوب
قيس : يا سلوب مال تشتكين يم اهلج عليه
نوره : هااااا ضايج لان علاوي حجه وياك
قيس : شوفي لا انتي ولا اخوج تهموني اني غير علمود الجهال ولو مو همه راگعج ستين نعال ( حشه السامع واليقراء )
نوره : قيس لا تغلط وعلاوي ما حاجاك شي يوصيك عليه شنو سوالك وهيج مغثوث فوك ما ضاربني فوك ما شبعتني كتل وما فتحت حلكي بكلمه وحده
فوك سهرك للصبح بره لو الشرب
قيس : وغصباً عليج اسهر للصبح و اشرب شوكت ما يعجبني فتهمتي لو لا
نوره : لا مو غصب وثاني شي وين تروح كل يوم تطلع ما ترجع اله وجه الصبح وين تروح بس فهمني
قيس : تريدين تعرفين وين اروح تعاي شوفي
نوره : فتح جهازه طلع صور خزي حته واحد ميكدر يسولف بيها
أنت تقرأ
وان طال الزمن
Ficção Geralتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
