في بحرَ عيّنيكِ هانت كُلُّ أشواقي،
يارّبة الحُسن هل تنوينَ إغراقي ؟
ما كنتُ أؤمن بالعيون وفعلها
حتى دهتني في الهوى عيناكِ !
عيناكِ بحرٌ تاهت به سفني
وتزعزت به نبضاتُ قلبي وأنفاسي
أنا الذي لا يهزني برقٌ ولا رعدٌ
أعينين متلألأةٌ تهزمُ ثباتي ؟
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : وين حوراء وعلاوي
نوره : طلعوا اخذو الجهال للحديقه
صفاء : مو خابرتني حوراء وكالت تعال وعلى هل اساس اني اجيت ما جنت ادري هيه مو هنا اترخص
نوره : لا تطلع اني خليتها تخابرك
صفاء : يعني شنو
نوره : ردت احجي وياك
صفاء : مابيناتنا اي كلام من سنين خلص كلشي بيناتنا
نوره : صفاء ما كافي ما مليت
صفاء : من شنو كافي من طعنج الي لو خيانتج لكلشي حلو بيناتنا لو دمارج لروحي عن شنو كافي
صح كافي لازم من تزوجتي انساج بسرعه وما يحترگ گلبي واني اشوفج تجين انتي وياه
لازم ما اضوج من اعرف رحتي وياه ولازم اتقبل امر الواقع من شفتج طلعتي بدلتج البيضه عن شنو كافي نوره عن شنو
انتي كابوسي ولج تزوجت كلت راح انساها عشت ويه البنيه تقريباً سنه ما يوم كتلها حبيبتي لو احبج وجانت تستاهل كل الكلام الحلو مني بس اني ما كدرت اكول
ولج انتي كافي واطلعي من حياتي رحت سافرت من الدنيا كلها وانتي دزين رسائل شتريدين مني ما كافي عمري الي اخذتي ما كافي شبابي شتريدين بعد ......... ما اعرف شبيه عبالك بركان ونفجر بوجها هيه صارت على الحايط وتبجي درت وجهي منها ما اريد اشوف دموعها
نوره : كتلك من اول سنه اجيت بيها اني راح اضل انتظرك
صفاء : على شنو تنظريني لو هم حابه ادمريني من جديد
نوره : صفاء والله ما ردت هيج يصير بيك
صفاء : اي صح ما ردتي هيج يصير تتذكرين لو اذكرج نوره ولج لليوم اتذكر كل كلمه منج لليوم كلامج يرن بذاني
والسطح شاهد على كل كلمه منج
نوره : صفاء كافي تحملني مسؤولية كلشي صار كافي اني هم بشر وتعبت كافي تحملني ذنبك واني منو يتحمل ذنبي منو كلي
صفاء : انتي تتحملين ذنبي وذنب روحج
نوره : لا صفاء لا تحملني ذنب شي ...... اني جنت مغصوبه اسوي كلشي صار
تعرف ردت احرك نفسي قبل لا اوفق تدري جم مره كتلني وليد حته اقبل تعرف امي شسوت بيه لا ماتعرف الي تعرفه نوره قبلت انته تعرف شنو حساس وحده بعرسها وهيه رافضه الي متزوجته تعرف احساس الاسيرة اني هذا حساسي لو من رحت يمه
انته جنت تشوف الضاهر اني عشت ويه مجرم عشت ويه شارب وسكير
اتذكر من خابرتك اول مره اكيد تتذكرها اني جنت مكتوله ومشموره بالبلكونه تعرف شنو حساسي من جنت انكتل لو اترزل ما ضربني مره اذا ما كلت هاي حوبت صفاء جاي تطلع بيه
صفاء حرام عليك تحملني مسؤولية كلشي اني مثلك صرت ضحيه
انته رجال وتكدر ترفض تطلع من البيت اني شنو اسوي
شبعت كتل واني ضليت رافضه لحد اليوم الي اجه بي وليد وكال اذا رفضتي بعد تحلمين تتزوجين لو طالعين من هل بيت وخليج خدامه واكتلج كل يوم ومحد راح يشفعلج
صفاء شسوي واني جنت صغيرة ما فكرت غير بس خليني اشرد من وليد واخلص من المشاكل مالت امي الي كالت بس ترفضين اترك البيت واعوفكم
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
