لا سلطـة لنـا على قلوبنـا هى تنبـض لمـن أرادت ...!"
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
ثاني يوم الفاتحة كلش تعبت من الصوت والناس صعدت فوك يم تنوري صعدت اباوع على المكان الي جنت اشوف بي صفاء تذكرت اخر مره حجينا هنا من تزوجت اتذكر كلشي من ذاك الوقت لحد اليوم اجيت كعدت بالكاع وابجي على كلشي صارلي
.
.
سمعت خطوات يمي اباوع هذا صفاء اي والله هوه كمت رحت علي
احجي وياه ما يجاوبني لو يكلي خويه اول مره صفاء يتعامل وياي بهذا الاسلوب
ما توقعت هيج راح يصدني عالاقل بس يحجي وياي ماكو ردت انرفزه كتله اكرهك ما توقعت جوابه
بس هوه هم حقه يكرهني اني دمرته
بس نزل متت بجي حسيت خسرت كلشي حب صفاء الي جان مثل الضوء بحياتي وبعد خسرته
خلصن ايام الفاتحه
لازم ارجع للعذاب اتمنى اكلهم ما اريد ارجع بس وضع اهلي كلش مو مال مشاكل
سلمت أمري لرب العالمين ورجعت صرت ما اهتم اذا رجع او لا شرب او لا المهم ما يضربني بدت بطني تكبر
كل مغربيه اشبع بجي شلون حال حمودي هسه بهل الغروب
صارت الاربعينيه اني بهاي الاربعين يوم كلش تعبت حملي متعبني وهوه ابد ما مهتم واني هم ما اريده يتقرب مني لان كلش كارهتهم
وكارهه عيشتي وياهم مرات احس قيس من احسن الناس بسلوبه وحبه الي ومن يشرب يصير يشبه الوحش حرفياً وحش يصير يضرب بكل قوته مرات احس راح يفترسني يصيح بكل قوته يغلط ويفشر
من يكعد ثاني يوم ابد ما يتذكر شنو سوه بيه
رحنا للنجف بس وصلنا المقبره كمت اصرخ ساعه اكول ولك بويه وساعه اكول ولك خويه انكسر ضهري مرتين
شفت قبر حمودي لو انهد حيلي صرخت وبجيت لمن مليت اجتي ام صفاء عليه نمت على صدرها واني ابجي اباوع بلكوه من بين دموعي شفت صفاء يباوع عليه ويبجي
تذكرت مره كال الله يحرم كل واحد حرمني منج
وهل رب العالمين حرم امي من ضناها رب العالمين استجاب دعوتك ما نسه قهرتك و دمعتك طلعهن بينا كلنه
وره ساعه رحنا للامام علي هناك حسيت وجع مو طبيعي بطني وبدون اكل وبس بجي تخربطت بعد ما دريت بالدنيا فزيت نسوان فوك راسي امي جابتلي عصير شربت شويه صرت احسن
وراها رحنا للحسينية لمحته مرتين بس على السريع من يفوت
وشايفين بالطريق من تطلع اكثر من سياره لازم يكونون قريبات فه جنت اشوفه من الجام مال السيارة
اباوع علي بالبوكه يمكن حرام عليه بس اني احبه نص الطريق وراها بديت انام ما كعدت اله يم باب بيتنا
وره ايام رجعت لبيت عيالي
بهاي الفتره رجع قيس زين يعني كام ما يشرب كل يوم اني بس اخاف لا يضربني
حته اذا يضربني اكعد الصبح اشوفه نايم يمي وحاضني
الشرب يخلي يفقد عقله نهائياً كلشي بالغرفه كسره لا كنتور ولا باب ولا ميز شنو يصير مقابيله يضربه بوكس
صارت ايامي تمشي بهدوء بين عيالي الي اني مجنبه كلشي وياهم اكمل شغلي واصعد فوك لو على الاكل واصعد ما احب اختلط وياهم
فد يوم صارت مشكله بين قيس ويه زوج بيداء اخته
فه جابوها كلولها بعد تنسين زوجج انتهى زواجكم
اشوفها شلون تبجي
أنت تقرأ
وان طال الزمن
Ficción Generalتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
