وان طال الزمن

البــارت " 7 "

• جنت ٲآرتبلج ۼرفتي🖤,"
• وجنت ٲآگولّ فلآنهہ حصتي 👌🏻🌀؛
• وتاآلي هيهہ ٲلبيهہ خاآنت🤷🏻‍♀💔 "
• مدري خانتني قسمتي🔒,"

┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
صعدت انام بس جذب ولا اكو نوم............. جكاير وحده وره الثانيه لحد ما صعدو الولد وامي و حوراء واني كاعد بس مسوي روحي نايم اسمع صوت علي يحجي وياها........... فدوه لصوتج يا حبيبت عمري  ........... ضليت الليل كله كاعد ولا غفيت ولا شفت النوم ابد ومن تجي فكرة انو نوره تتزوج غيري اموت گبل ابعد هاي الافكار من راسي........... لا يا ربي كلشي ولا نوره لا تمتحني بيها با ربي احبها لا تحرمني منها لحد الخمسه الصبح خابرني الخلفه  كال وينك راح نطلع كتله اعذرني اليوم ما اكدر عندي ضرف ما كدرت اطلع ولا اكدر كلشي اسوي لا نوم ولا راحه و عقلي  تعب من التفكير............... صارت بـــ 9 الصبح خابرني امجد

امجد : شبيك صفاء شنو صاير وياك

صفاء : امجد نوره نخطبت

امجد : شبيك صفاء جاي تبجي صدك تحجي شبيك

صفاء : امجد احبها

امجد : بعد وكت ما صار شي رسمي...... اليوم نروح ونخطبها

صفاء : امجد والله خايف

امجد : لا خويه لا تخاف هيه اذا قسمتك لو بعد 10 سنوات هم تصيرلك و اذا مو قسمتك لو تحارب الدنيا كلها ما تصيرلك

صفاء : اليوم امي تروح تخطبها

امجد : اي زين وعلاوي اكيد راح يوافق

صفاء : لا اكيد علاوي اعرفه

امجد : يله اني رايح عود بشرني

صفاء : الله كريم امجد ادعيلي 

امجد : ان شاء الله مع السلامه

صفاء : مع السلامه  ............. راحت امي لبيتهم واني ما ضل امام ما نخيته حتى اكو سيد اسمه سيد صروط هم نخيته بجاهك وجاه جدك رسول الله تصير من نصيبي اوووووف يا حبيبت عمري
.
.
.
.
.
.
.
نوره : بوقت اجتي ام صفاء اني جنت هسه مخلصه تنظيف وريوك وطالعه من الحمام ودخلت هيه رحت سلمت وراها سويت جاي خليته يمهم ورحت كعدت على الدرج قريب من الاستقبال اسمع حجيهم
ضلت تحجي مواضيع عاديه على المنطقة ومدري شنو غير تحجي راح يوكف گلبي متت حته اصابيعي راح تتكسر كد ما اطگطگ بيهن ..... جان تحجي امي

ام علي : خيه ام صفاء اشربي چايچ

ام صفاء : اني جايتج بطلب واذا صار اني شاربه الچاي  واتمنى ما تفشليني

ام علي : خيه كولي

ام صفاء : خيه اني رايده نوره لــ صفاء

ام علي : خيه صفاء ونعم منه بس البنيه مخطوبه