واتحدى البعٌد يجبرنَي يوم أنسِاج
وعمٌت عين الصدف
غيرج تشوفنِي .
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
صفاء : اول مره بحياتي احس بهذا الضياع اول مره احس بهذا الوجع تركتها واكفه ورحت على فراشي احس بنظراتها بس ما اريد التفت عليها هيه هسه على ذمة رجال خلص ذاك الوكت الي جانت هيه محبوبتي هسه هيه يسموها زوجة فلان غطيت نفسي بالجرجف ما اريد اشوفها شكد مر وقت ما اعرف بس الي اتذكره دموعي تنزل وامسحها ما بيدي كلشي اسوي خسرت المعركه وانتهى الموضوع
بديت اسمع صوت اقاربهم يسولفون وبنات تضحك بصوت ناصي
حاولت اهدي نفسي ماكو روحي رافضه تنساها احسها كبال عيني شلون راح انساج وانتي موجوده بكل تفاصيل حياتي
شلون راح اكمل حياتي وانتي مابيها
كد ما احبها كد ما تمنيت لا شايفها ولا حابها وجعت گلبي
اني الي تحملت مسؤوليه قبل عمري والتعب والكليه والبيت كله عليه جان اسهل من دمار نوره
ليش جاي تبجين عليها يا عيوني كافي صارت لغيري بعد ما اشوفها شتفيد دموعج بعد اني حبيتها وعلمتها تحبني وكبرتها وصارت لغيري تانيتها تكبر حته اتزوجها تاليتها بس كبرت ختارت غيري
اليل الي مر على امة محمد اني ما نايم ابد ولا شفت النوم جانت ليله كلش صعبه عليه
اشرب الجگاير وما تبرد گلبي اكو صوت بداخلي يكلي تحبك بس عقلي يكلي هيه وافقت على غيرك علمود الفلوس
يعني معقوله هاي هيه توادعنه وبعد ما اشوفها وضلت بس الدموع الي
بعد لمن اجيب حلويات بعد لمن انتظر هنا لو صارت الساعة بــ9 ونص اشوفمن اني
ولج شسويتي بيه غدرج اليه سوه وجع بكل جسمي احس راسي وكلبي وعيوني وروحي وكلشي بيه موجوع
ولك كافي يگلبي كافي شحصلت منها بس البجي
صارت صلاة الصبح نزلت توضيت ورحت للجامع صليت وكعدت ما كمت من مكاني كل شويه اسجد لرب العالمين من اخلص ارفع راسي يا ربي برد گلبي خليني انساها لازم اكمل حياتي الوجع الي جاي احس بي كلش اذاني يا ربي روحي توجعني وانته اعلم بحالي
ضلت هيج حالتي لحد الساعة بــ10 الصبح رجعت للبيت لكيت امي ضال بالها يمي
سليمه : وينك يمه وين رحت شسويت بحالي
صفاء : يمه هنا بالجامع
سليمه : چا يمه غير تاخذ تليفونك
صفاء : نسيته يمه
سليمه : اكعد اتريك خل اسيحلك انته تحب السياح
صفاء : يمه ما اريد مو جوعان
سليمه : ليش يمه مو جوعان
صفاء : شربت هواي جگاير ونفسي مسدوه اريد بس چاي
سليمه : يمه صفاء لازم تاكل لخاطري بعد امك
صفاء : يمه فدوه لا تلحين عليه .......... وحته چاي ما اريد
سليمه : يمه صفاء شبيك
أنت تقرأ
وان طال الزمن
Ficción Generalتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
