ودعتك بلحظه امنيتي اچلب بيك
اودع وابچي مثل وداع الجنايز 😥🌹
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
صفاء : نمت غصب عليه وره ما روحي وجعتني
بالحلم عبالك رجعنا لذيج الايام الحلوه نسولف سوه
جان اشوف امها وياها وليد عبالك وحوش جروها مني اريد الزمها ما اكدر ايدي صارت ثكيله بالحلم اريد ارفعها حته الزمها ما اكدر فزيت دنيا ضلمه لعد شكد نمت اسمع صوت هوسه وين اني ........المبرده مخلصه مي وجاي تذب سموم عليه كعدت منا الحلم ومنا الجو حار اباوع على نفسي عركان كمت شغلت الضوء اخذت ملابس فتحت باب الغرفه ماكو احد رحت للمطبخ بس حوراء من شافتني دارة وجها
صفاء : حوراء وين امي
حوراء : فوك جاي تخبز......... انته جوعان اسويلك اكل
صفاء : شبيج جنتي تبجين
حوراء : هاااا لا ما ابجي بس خاف شي دخل بعيني
صفاء : حوراء لا تجذبين شبيج
حوراء : خاف تزعل مني
صفاء : اكو واحد يزعل من اخته حبيبته
حوراء : ردت اروح للحنه مالت نوره بس امي ما قبلت ضلت تحجي عليه
خويه اني شعليه بالي صار نوره مثل اختي اني ما عندي اخت وهيه اختي وحته هيه تحسبني مثل اختها شلون اتركها بهيج يوم
صفاء : ما اعرف منين اجتني القوه احس گلبي صار صخر .............. راح ادخل اسبح اطلع اشوفج محضره نفسج و امي عوفيها عليه
حوراء : صدك خويه والله هسه بسرعه
صفاء : اي خويه روحي.......... دخلت سبحت وطلعت لبست تراكسود وخليت ريحه رتبت نفسي على المرايه بالحوش مخلينها يم المغسله
صعدت لكيت امي هسه جاي تخلص
صفاء : يمه راح اخذ حوراء للحنه
سليمه : يمه صفاء ليش جاي تحرك بروحك شلون تروح تفرحلهم وهمه قهروك وكسروا خاطرك
صفاء : هيه ما عدها اخوات خلي حوراء تروحلها ربج ما ينسى عبده
سليمه : بكيفك يمه
صفاء : نزلت لكيت حوراء مجهزه نفسها لبست عباتها طلعنا لكيت علاوي كاعد على الجذع ........ يله حوراء روحي
علي : عاش من شافك
صفاء : هلا بيك علاوي انته العايش
علي : ليش زعلان عليه حته ما تباوع بوجهي
صفاء : لا علاوي ما زعلان شلون ازعل عليك انته اخوي كلشي يروحلك فدوه بس اني شويه تعبان ومنا الشغل
علي : تعال اكعد خلي اخابر امجد
صفاء : هستون كعدت صار صوت الاغاني يعله اني عبالك عندي فاتحه والناس تضحك وتغني على حزني
شلون يا ربي ارحمني ما كدرت اضل واني اسمع صوت الاغاني
أنت تقرأ
وان طال الزمن
Ficción Generalتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
