سامحني غلط جانت مشاعرنه وكدرنه نطيح 💔🚬
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
نوره اول يوم وصلت وليد جاب عشه من بره ثاني يوم كعدت من الصبح نظفت البيت كله حته للشارع طلعت واهم شي الجذع اغسله جنت قبل اتونس من ازرك علي مي بالصونده لان صفاء يضوج واحد يغسله
ما ادري ليش حبيت اضوجه هيج اجتي براسي وراها دخلت لميت الصونده وبوجهي للمطبخ المواعين كلها ما مغسوله زين لزمتها كلها غسل ونوب سويت ريوك رحت للثلاجه اكو سمج رحت طلعته وخليته بصينيه فوك المبردة ورجعت كملت شغل
من كعدو سويتلهم ريوك وعفتهم كاعدين وطلعت اجيب السمجه حته افتحه واغسلها
وره ساعه ركبت تمن احمر وسويت زلاطه وخليتها بالثلاجه وخلطت عصير هم
وراها طلعت اشوي سمج بالتنور
سمعت صفاء يحجي ويه حوراء
صفاء : ولج حوراء جم مره كلت لحد يغسل الجذع
حوراء : والله مو اني ما غاسلته
صفاء : لعد منو ابويه تدرون بيه ما احب الرطوبه ليش تغسلون لو تحبون تضوجوني
حوراء : خويه والله مو احنه خاف الجوارين لو بيت ام علي يعني خاف علي او وليد طلع غسل الشارع
صفاء : الله يثبت علينا العقل والدين.
نوره : شبعت ضحك على عركتهم واني السبب
كملت الغده وصبيتلهم
جاي ناكل حجه وليد
وليد : عندي وياكم حجي مادام نوره موجوده اني اريد ابيع البيت ولا تكلولي ضلو سوه احسن لعلي والي انو نبيع البيت وكل واحد ياخذ حصته
علي : حسبت حساب نوره لو لبست الموضوع نوره هم الها حصه بالبيت
وليد : واحنه يا يوم ننطي للنسوان حصه
علي : اني معليه بالي قبلي هاي وصية الله ورسوله ينقسم الورث
وليد : ميخالف بس خل نبيع البيت
علي : ما ابيعه تريد انقسمه بس ما ابيع البيت اني ما مجبور اضحي بيت ابوي
وليد : وشلون راح تقسمه
علي : انجيب ناس تعرف بالموضوع ونقسمه لا تكبر الموضوع
نوره : وليد ما فكرت وعلاوي وين يضل خطيه يضل بوحده بالبيت
وليد : شنو صغير وثاني شغله بعد شمنتظر يتزوج وياي
علي : بعد ما مستعد للزواج
نوره : قررو يقسمون البيت وره ايام جابو ناس وقسمو صار القسم الجبير حصتنا بصف بيت ام صفاء وليد اخذ القسم الثاني
وره اسبوع رجعت للبصره بيومها سمعت راح يصير عرس علاء وضياء
.
.
.
.
أنت تقرأ
وان طال الزمن
Ficción Generalتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
