هيه صدفه بعمري مره صارت
وانجمعنه وردت صدفه تجمعنه
بدلت عرس بس ماصارت القسمه...
┈┈┈┈┈┈┈┈┈┈┈┈┈┈┈┈┈┈┈┈┈
وعلي لو ماصوج اهلنا جان هسه وليد عدنه🥀
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈
نوره : ضليت بنفس مكاني صافنه بزماني لحد ما رجع احمد من الساحة جان يلعب طوبه من دخل وشافني اجه عليه كومني
احمد : نوره شبيج ليش هيج حالج شنو صاير شكو
نوره : احمد فدوه اروحلك احميني من وليد عليك الله ابقى يمي لا تروح
احمد : لا تخافين اني يمج بس كليلي شكو
نوره : ......................... سولفت كلشي
احمد : هوه بكيفه
نوره : فدوه احمد لا تخلي يزوجني لقيس
احمد : شبيج هلكد خايفه منه ما يكدر كلشي يسوي
نوره : راح احمد جابلي مي وكمت غيرت ملابسي ماكو احد بالبيت مو امي اخذت وليد للمضمد كمت اسوي عشه لا تجي امي تذب حركتها بيه بعدني جاي اگلي بيتنجان وبتيته دخل وليد لوحده امي ماكو
وليد : شوفي اذا ما وافقتي من الاخير اول شي اسوي هذا البيت يصير جحيم على راسج وراس اخوتج الي تحامين بيهم وثاني شي اكومج بكتله وكعدج بكتله وانتي تعرفين كلش زين اسوي اني هذا الشي اهااا نسيت اي واحد يجي يخطبج ما اخليج تتزوجين يعني اختاري لو الحريه والزواج والراحه لو تخلصينها هنا كتل وخليج خدامه جوه رجليه وسجن وتحلمين بعد تتزوجين ولا تخلين املج بــ علي لان علي فقير واحنه نعرف هذا الشي وحته اليوم اني ما رفعت ايدي عليي اله جان جنزته ............ الج منا الساعة تختارين وامج اول وتالي ميته وتضلين جوه رحمتي
نوره : اني ضليت واكفه على الطباخ وابجي لو احرگ نفسي مو اريحلي طفيت الطباخ واخذت الشخاطه ورحته للترك اكو جانت عدنه لاله بيها نفط فتحتها ودرتها كلها على ثوبي وشويه على راسي صح قليل بس ترس ملابسي كلت خاف ما يكفي ركضت على چوله هم اخذتها ودرتها على روحي ردت بس اشغل النار ماكو الشخاطه نگعت من نفط يدي ترجف كمت ابجي اريد بس يشتغل عود الكبريت ماكو
يا ربي سامحني بس ما اكدر اكمل اخذ امانتك اني عندي ربو من جنت صغيره فه مباشرتاً كمت اكح من الريحه
ما حسيت غير امي على راسي
ام علي : ولج يا زماله تريدين تحرگين نفسج وتشهريني روحي تزوجي وشتريدين تسوين سوي....... او تعالي اراويج شلون تحركين نفسج
نوره : لازمتني بعوده مال سعف ( نجمعه للتنور مال الطين نچيم بي يعني يصير مثل الحطب )گطعتني تگطع ولا رفعت ايدي ولا كتلها لا ولا كتلها لا تضربيني اريدها بعد تضربني بلكي اموت كتلها اضربي لحد ما ترتاحين و بلكي اني هم ارتاح من هاي الدنيا والله ياخذ امانته ويه كل ضربه روحي تشوغ خدر جسمي وهيه تضرب اباوع على جسمي بده يصير ازرك اني قبل الي يلزم ايدي قوي تصير حمره مو كتل هذا كله
متعجبه على امي منين جابت كل هاي القساوه هيه تحبني وخاصه بس اني بنيه بالبيت ليش هيج تسوي وياي اجتي ضربه على راسي بعد ما حسيت بالدنيا
.
.
.
.
صفاء : ثاني يوم خابرت عمي وخالي وكم واحد من جوارينا وامجد ورحت عليهم بدت الزلم تحجي واني اريد اموت اباوع على علاوي يريد يبجي وليد حجه
أنت تقرأ
وان طال الزمن
Ficción Generalتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
