صعبه من تلوم كلبك ،، "كلشي منك" وانت تدري ال "كُلشي منهم"
صعبه من تصير "وياهم عليك" ، وتكعد تجذب الظنون و"تبررلهم"
وفشله من تفيض عينك يم صورهم ، وانت تدري "الوادم المستعز بيهم" ما يحبوك وتحبهم …
┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈
علي : راح اصير خال
صفاء : احس سجينه بنص گلبي دخلت انداريت للامام علي
يا علي تقبلها تمنيت ضناها مني يصير
يا علي انت ابو الايتام واني وعيت على الدنيا بدون اب وانت ابوي
يا علي يا بويه گلبي مكسور
يا علي ما اريد شي بس خليني انساها يا امير المؤمنين
سويلي چاره تعبت
يا علي خلص عمري بالتعب
.
.
.
احجي ويه الامام بگلبي وبس دموعي تجري كلشي ما اريد بس حبها يخلص اريد انساها بعد احنه خلصت قصتنه غير انساها
علاوي خطيه كل شويه يكلي اعتذر واني اكله عادي بس امجد يعرفني
.
.
.
.
.
امجد : كافي رحمه لربك شكد تحبها مو گلبي وجعني وعليك
صفاء : وشنو الفايده هذيج حبيبت عمري عد غير رجال حته الحب ما نفع وياها شكد وفيت وياها بس هيه ما وفت وياي
ولك صار شكد و جروح گلبي عبالك البارحه معرسه
امجد : وحق هذا علي ابن ابي طالب راح تاخذ بنيه تعوضك كل هل ضيم وتحبك اكثر من روحها
صفاء : واني شلون ولك ما تقبل تطلع من گلبي ولك هاي مثل السرطان بجسمي حبها يكثر ما يقل
امجد : بس تتزوج تنساها
صفاء : الله كريم خلينا نكوم الوادم راح توصل للسيارات واحنه كاعدين هنا
امجد : هسه بس يجي علاوي لان راح يصلي
صفاء : وانته صليت
امجد : اي بس وصلنا دخلت زرت وصليت جوه
صفاء : اي الحمدلله
امجد : اكلك ما خابروك اهل التعيين
صفاء : لا والله كلشي ماكو
امجد : تفرج ان شاء الله
صفاء : ان شاء الله
امجد : البارحه سامر اخويه خابرو على شغل ويه الامريكان
صفاء : شغليش
امجد : مترجم
صفاء : بس لا قبل وراح يشتغل وياهم
امجد : لا وسفه شنو يشتغل وياهم لو نضل بدون اكل ما اخلي يشتغل
صفاء : عفيه عليك ذولي دمرونه
امجد : ان شاء الله يجي يوم ونخلص منهم
صفاء : ان شاء الله
صفاء : رحنه لـــ حسينية تغدينه ورجعنه لبغداد واني كل هذا وجها ما شايفه ولا تقربت يمها وين اشوف بنات لو نسوان واكفه ابتعد منهن خاف المحها خاف اشتم ريحتها خاف اسمع صوتها اريد انساها كافي الي حصلته منها
من وصلنه البيت بوجهي دخلت اسبح من طلعت من الحمام اسمع امي تسولف
.
.
.
.
سليمه : والله يا يمه شسوو بينه وكسرو گلب اخوج بس الصار بيهم يبجي حتى الصخر
وهاي المسكينه حامل عليها 3 اشهر و بجي ولطم وقهر تخربطت هبط ضغطها هناك
أنت تقرأ
وان طال الزمن
General Fictionتـاريـخ الـنشـر 12/12/2022 ربما في مكان ماَ، في يوم ماَ، في زمن أقل بؤساً ، قد يرى أحدنا الأخر ...
